මාන්කුලම් පොලිස් වසමේ කට්කුවාරි ප්රදේශයේදී කුඩා පිරිමි දරුවෙකු පෙරේදා (04දා) ඖෂධ පෙති වර්ගයක් පානය කිරීමෙන් අසනීප වී කිලිනොච්චිය රෝහලට ඇතුලත් කර ප්රතිකාර ලබමින් සිටියදී එදින සවස් කාලයේ මියගොස් ඇති බවට මාන්කුලම් පොලිසියට ලද පැමිණිල්ලක් අනුව විමර්ශනයක් ආරම්භ කර ඇත.
මියගිය දරුවා වයස අවුරුදු 01 ½ ක් වූ කට්කුවාරි, මාන්කුලම් ප්රදේශයේ පදිංචිකරුවෙකි.
මෙම දරුවා නිවසේ තිබූ දරුවාගේ පියාගේ මව (දරුවාගේ මිත්තණිය) අසනීප තත්ත්වයක් සඳහා ගනු ලබන ඖෂධ පෙති ගිල දමා ඇති බවට සිදුකරන ලද විමර්ශනයේදී අනාවරණය වී ඇත.
මෘත ශරීරය පශ්චාත් මරණ පරීක්ෂණයෙන් පසු දෙමාපියන්ට භාර දී ඇති අතර මාන්කුලම් පොලිසිය වැඩිදුර විමර්ශන සිදුකරනු ලබයි.