මාරක රිය අනතුරක් කළ විදුහල්පතිවරයෙක් අල්ලයි

මහනුවර කුරුණෑගල මාර්ගයේ වතුවල ප්‍රදේශයේදී සිදුවූ රිය අනතුරකින් කාන්තාවක මියයාමේ සිද්ධියක් සම්බන්ධයෙන් නුගවෙල ප්‍ර දේශයේ ජනප්‍රිය විදුහලක විදුහල්පතිවරයෙක් අත්අඩංගුවට ගත් බව කටුගස්තොට පොලීසිය කියයි.

මහනුවර කුරුණෑගල මාර්ගයේ යටිවාවල ධර්මෝදය විහාරස්ථානය ඉදිරිපිට පදිකමාරුවේදී එම රිය අනතුර සිදුවී ඇති බව පවසන පොලිසිය අනතුරින් මියගොස් ඇත්තේ යටිවාවල ප්‍රදේශයේ පදිංචි කාරණියක වූ රත්නායක මුදියන්සේලාගේ බිසෝ මැණිකේ (68) නැමැති කාන්තාවකි .

අත්අඩංගුවට ගත් විදුහල්පතිවරයා අද (18) අධිකරණය හමුවට ඉදිරිපත් කිරීමට නියමිතව තිබූ අතර කටුගස්තට පොලිස් ස්ථානාධිපති ප්‍රධාන පොලිස් පරීක්ෂක ආර්. සී. රාජපක්ෂ මහතාගේ උපදෙස් පරිදි රථවාහන අංශයේ ස්ථානාධිපති පොලිස් පරීක්ෂක රණවීර මහතා ඇතුළු පොලිස් කණ්ඩායමක් වැඩිදුර විමර්ශන සිදු කරයි .