මහ සමන් දේවාලයේ පොලිස් මුරපොළේ ස්ථානාධිපතිට මරණ තර්ජන

ඓතිහාසික සබරගමු මහා සමන් දේවාලයේ පොලිස් මුරපොළේ ස්ථානාධිපතිවරයාගේ නිවස ඉදිරිපිටට ගිය කිහිපදෙනෙකු ඔහුට මරණීය තර්ජනය කිරීමේ සිද්ධියක් ගැන එම පොලිස් නිලධාරියා රත්නපුර මූලස්ථාන පොලීසියට පැමිණිල්ලක් කර තිබේ.

රත්නපුර දේවාලයගාව ප්‍රදේශයේ මත්ද්‍රව්‍ය ජාවාරම්කරුවන්ට එරෙහිව මෙම පොලිස් නිලධාරියා කටයුතු කිරීම මෙම මරණීය තර්ජනයට හේතුව වී ඇතැයි වාර්තා වේ.

පසුගිය සතියේ දිනෙක රාත්‍රී 12.30ට පමණ ඓතිහාසික සබරගමු මහා සමන් දේවාලයේ පොලිස් මුරපොළේ ස්ථානාධිපති උපපොලිස් පරීක්ෂක උදිත ප්‍රියලාල් මහතාට මෙම තර්ජනය කිරීම ගැන ඔහු රත්නපුර පොලීසියට පැමිණිලි කර තිබේ.

මේ සම්බන්ධයෙන් සැකකෙරෙන අය අත්අඩංගුවට ගැනීමට පරික්ෂණ සිදුකරන බව පොලීසිය පවසයි.

රත්නපුර ලසන්ත නිරෝෂණ පෙරේරා
 

සමන් දේවාලය ආසන්නයේ කළු ගඟේ යන්ත්‍ර යොදා මැණික් පතල් කැපීම වැළැක්වීමටද මෙම නිලධාරිවරයා කටයුතු කර තිබුණි.