මනෝලා දිගම්බරන්ලා සජිත් සමග මහ මැතිවරණයට එයි

මහ මැතිවරණයේදි දමිල ප්‍රගතිශිලි සන්ධානය සමගි ජන බලවේගය සමග එක් වි සන්ධානයක් වශයෙන් තරග කිරිමට (29) දින එකගතාවය පල කල බව දමිල ප්‍රගතිශිලි සන්ධානයේ නියෝජ්‍ය නායක පලනි දිගම්බරම් මහතා පැවසිය.

සමගි ජන බලවේගයේ නායක සජිත් ප්‍රේමදාස මහතා සමග (29) දින කොළඹදි සාකච්ඡාවක් පැවැත් වු බවත්, එම සාකච්ඡාවට දමිල ප්‍රගතිශිලි සන්ධානයේ නායක මනෝ ගනේෂන් ඇතුළු තමන් සහභාගි වු බවත්, ඒ අනුව මහ මැතිවරණයේදි සජබය සමග එක් වි තරග කිරිමට කැමැත්ත පල කල බව පලනි දිගම්බරම් මහතා පැවසිය.

සමගි ජන බලවේගය සමග එක් වි තරග කිරිමට දමිල ප්‍රගතිශිලි සන්ධානය හැර ගිය මහනුවර දිස්ත්‍රික් හිටපු පා.ම වේළුකුමාර් මහතා සමගි ජන බලවේගයට එක් කර නොගන්නා බවට සජිත් ප්‍රේමදාස මහතා ඇතුළු එම පක්ෂයේ ජේෂඨයින් තම සන්ධානයට පොරොන්දු වු බවද පලනි දිගම්බරම් මහතා පැවසිය.