මන්නාරම් මහ රෝහලේ ළමා රෝග විශේෂඥ වෛද්‍යවරයා අතුරුදහන්

මන්නාරම රෝහලේ සේවය කළ ළමා රෝග විශේෂඥ වෛද්‍යවරයා දින කීපයක සිට අතුරුදහන්ව ඇති බව රෝහලේ පාලන අධිකාරිය සදහන් කරයි. 

ඔහු දින කීපයක සිට සේවයට වාර්තා කොට නොමැති අතර ඔහුගේ දුරකතනයද විසන්ධි කොට අති බව වාර්තාවේ.

මන්නාරම රෝහලේ සෙසු වෛද්‍යවරුන් ප්‍රකාශ කරන්නේ ඔහු පාලන අධිකාරියට නොදන්වා සේවයෙන් ඉවත්ව ගොස් ඇති බවට සාධක හමු වී ඇති නමුත් ඔහු ඒ බව පාලන අධිකාරියට දැණුම් දී නොමැති බවයි. 

කෙසේ වෙතත් මන්නාරම රෝහලේ ළමා රෝග විශේෂඥ වෛද්‍යවරයා නොමැතිකම නිසාත් ඔහු වෙණුවට කෙනෙකු හදිසියේ පත් කිරීමට නොහැකිකම නිසාත් ළමා වාට්ටුවේ සියලු කටයුතු  සම්පූර්ණයෙන්ම ඇණ හිට ඇති තත්ත්වයක් උද්ගත වී තිබේ.

මේ ප්‍රශ්නයට විසදුමක් වශයෙන්  ගැබිණි මව්වරුන් හා අලුත උපන් ළමයින්ද සෙසු ළමයින්ද වවුනියාව මහ රෝහලට මාරුකොට යැවීමට පියවර ගෙන තිබේ. 

මේ තත්ත්වය ප්‍රායෝගිකව දැඩි අසීරු කරුණක් වී ඇති බැවින් අලුතින් වෛද්‍යවරයෙකු පත් කරණ තුරු  වවුනියාව මහ රෝහලෙන් හෝ ළමා රෝග විශේෂඥ වෛද්‍යවරයෙකුගේ සේවය මන්නාරම රෝහලට ලබා දෙන ලෙස මන්නාරම රෝහලට ලබා දෙන ලෙස  මන්නාරම රෝහලේ දිස්ත්‍රික් වෛද්‍ය නිලධාරීවරයා ඉල්ලීමක් කොට තිබේ.