බෙල්ලන්විල ඇසළ පෙරහරේ ප්‍රධාන ගැටලුව ගැන අවධානය

බෙල්ලන්විල ඇසළ පෙරහැර පැවැත්වීමේදී මතුවන විශාල ප්‍රශ්ණයක් වන්නේ පෙරහැර ගමන්මග ඉතා පටුවීමයි. එය දැඩි දුෂ්කරතාවයක් වන අතර පෙරහැර සාර්ථක කිරීම සඳහා සියලුදෙනාම අධිෂ්ඨානයෙන් කටයුතු කළයුතු යැ"යි බෙල්ලන්විල රාජමහා විහාරාධිපති සිංගප්පූරුවේ ප්‍රධාන සංඝනායක ආචාර්ය බෙල්ලන්විල ධම්මරතන හිමියෝ පැවසූහ. මෙවර මහ පෙරහැර ලබන අගෝස්තුමස 16 වැනිදින පැවැත්වීමට පෙරහැර කමිටුව කටයුතුකර ඇත. 

මෙම වසරේ පැවැත්වෙන බෙල්ලන්විල 75 වැනි ඇසළ පෙරහැර පිළිබඳව ප්‍රදේශවාසීන් දැනුවත් කිරීම සඳහා ඉකුත් 02 වැනිදින විහාරස්ථානයේ පැවති පළමු රැස්වීමේදී උන්වහන්සේ එසේ සඳහන් කළේය.මෙම රැස්වීමට දිවුල්පිටිය ශ්‍රී මහා බෝධිරාජාරාමාධිපති කෝට්ටේ ශ්‍රී කළ්‍යාණී සාමග්‍රී ධර්ම මහා සංඝ සභාවේ රත්මලාන විහාර පාර්ශවයේ උප ප්‍රධාන සංඝනායක පූජ්‍ය ඕකන්දයායේ බුද්ධසිරි නායක හිමි, බෙල්ලන්විල රාජමහා විහාරස්ථානයේ උප විහාරාධිකාරී ගෞරව ශ්‍රාස්ත්‍රවේදී බෙල්ලන්විල සංඝරතන හිමි ඇතුලු විහාරස්ථ දායක දායිකාවන් සහභාගීවූහ. 

නායක හාමුදුරුවෝ අලිඇතුන් 100 ක් පෙරහැරට යොදාගන තියනවා. අනවශ්‍ය අංග තිබෙනවානම් ලබන පෙරහැරේදී ඒවා ඉවත්කරල අලුත් අංග එකතුකරගත්තට වරදක් නැතැයි"ද විහාරාධිපති හිමියෝ පැවසූහ.

2025 බෙල්ලන්විල ඇසළ පුණ්‍යෝත්සවය හා පෙරහැර මංගල්‍යය ලබන ජුලිමස 05 දින සිට අගෝස්තු 17 දක්වා පැවැත්වෙන අතර රන්දෝලි මහ පෙරහැර අගෝස්තු 16 දින රාත්‍රියේ වීථි සංචාරය කිරීමට නියමිතය.