බිත්තර මිල අඩුවු‍ණේ මෙහෙමයි

ඒ මහතා අද (25දා) කුලියාපිටිය රුවිනි ලෙෂර්පාක් ආයතනයේදී කැඳවා තිබූ ප්‍රවෘත්ති සාකච්ඡාවකදී ඒ බව පැවසීය.

 “ඉකුත් කාලයේ බිත්තරයක රුපියල් 65 -70 අතර මිලකට ගියා. එහෙත් සංගමයක් විදිහට මේ කර්මාන්තයත් ආරක්‍ෂා කරගෙන, පාරිභෝගිකයාටත් බිත්තරයක් රුපියල් 45 අගයට ලබාදෙන්න අපි අපමණ වෙහෙසක් ගත්තා. බිත්තර මිල අඩු වැඩි වෙන්නේ අපි ඕන ඕන විදිහට කරන දෙයක් නිසා නෙවෙයි. අද වන විට බිත්තරය ගොවිපොළෙන් රුපියල් 30 සීමාව දක්වා අඩුවෙලා තියෙනවා. ඉදිරියෙදී මේ මිල තවත් අඩු වේවි කියලයි අපිට පේන්නෙ. 

ඒ අනුව සෑම මසකම බිත්තර නිෂ්පාදනය ලක්‍ෂ 5 බැගින් වැඩි වෙනවා. නමුත් පරිභෝජනය ඊට අනුරූපීව වැඩිවෙන්නෙ නැහැනෙ. ඉකුත් ජනපතිවරණ සමයෙදී පාක්‍ෂිකයන්ට දෙන ආහාර වේලට පක්‍ෂ, ප්‍රතිපක්‍ෂ කවුරුත් බිත්තර එක්කාසු කිරීම නිසා, බිත්තර අලෙවිය වැඩි වුණා.දැන් ඒක නැවතුණ නිසා බිත්තර අතිරික්තයක් පවතිනවා. ඒ නිසා තමයි බිත්තර මිල අඩුවෙලා තියෙන්නෙ.

 අපිත් කැමති අපේ නිෂ්පාදන පාරිභෝගිකයන්ගේ පෝෂණ අවශ්‍යතා වෙනුවෙන් ලබා ගන්නවාට. එහෙත් කර්මාන්තයක් විදිහට මේක වැටෙන්න දීලා බැහැ. එහෙම වුණොත් කුඩා පරිමාණ ගොවීන් මේ කර්මාන්තය අත්හරිනවා. එතකොට බිත්තර ප්‍රමාණය අඩුවෙනවා. අන්න මිල ඉහළ හා හැකි හේතු.

ඒ වගේම අපි ගැබිනි මවු පෝෂණ මල්ලට බිත්තර නොමිලයේ දුන්නා. පාසල් සිසුන්ටත් නොමිලයේ දුන්නා. ඒ වගේම සහනදායී මිලට අපි පාසල් සිසුන්ට බිත්තර දුන්නා. අපි ඒ දේවල් සමාජය වෙනුවෙන් සිදු කළා. ඒ නිසා රජය වැඩපිළිවෙළක් සකසනවානම් අපිට හැකියාව තියනවා ළමා මන්දපෝෂණය තුරන් කිරීම වෙනුවෙන් පාසල් සිසුන්ට රුපියල් 30කට බිත්තරයක් අදාළ ස්ථානවලට ප්‍රවාහනය කරලා දෙන්නත්” යැයි පැවසීය

කුලියාපිටිය දිනේෂ් උපේන්‍ද්‍ර