බලය ඇතිදා නොපෙනුණ දෙයක් බලය නැතිදා නාමල්ට පෙනෙයි

රටේ වෘත්තීය සමිති,  ව්‍යාපාරික ප්‍රජාව, ස්වේච්ඡා සංවිධාන, තරුණ කණ්ඩායම් සඳහන් කරන කරුණු සඳහා රජය ඇහුන්කන් දීමෙන් කටයුතු කළ යුතු බවත් එසේ නොකිරීම නිසා තමන් නියෝජනය කළ රජය බලයෙන් පහ වූ බවත් නමල් රාජපක්ෂ මහතා පැවැසිය.

එම නිසා ජනාධිපතිවරයා, අමාත්‍යවරුන් රටේ ජනතාවට ඇහුම්කන්දීමකින් ක්‍රියා කළ යුතු බවත් රටක් වැටෙන්නට බලා සිට බලය ගැනීමේ අරමුණක් තම පක්ෂයට නැති බවත් සඳහන් කළේය.

දඹුල්ල  හිටපු නගරාධිපති ජාලිය  ඕපාත මහතාගේ නිවසේදී ඊයේ 01 පස්වරුවේ පැවති ජන හමුවකදී නමල් රාජපක්ෂ  මන්ත්‍රීවරයා මේ බව සඳහන් කළේය.

තුනෙන් දෙකක බලය පෙන්වා දෙමින් බලයෙන් උදම් ඇනීම නැවැත්විය යුතු බවත් පෙන්වා දුන් නමල් රාජපක්ෂ ජනතාවගේ  අවශ්‍යතා වලට ඇහුම්කන් දීමෙන් රටේ ප්‍රශ්න අඩු කර ගැනීමට හැකි බව ත් පැවසීය.

මේ දිනවලින් තෙල් පෝලිමක් හට ගෙන තිබෙන බවද එයටත් රාජපක්ෂවරුන්න්ට වගකීම   බාරගන්නැයි සඳහන් කිරීම කරාවිදැයි ඔහු ප්‍රශ්න කළේය.

වැටුණු රටක් පාලනය කරනවාට වඩා සංවර්ධනය වන රටක් පාලනය කිරීම තමන්ගේ කැමැත්ත බවත් ඔහු පෙන්වා දුන්නේය.