පොල්හේන ඡන්ද මධ්‍යස්ථානයේ ස්ථානාධිපතිවරිය හදිසියේ මිය යයි

කැස්බෑව මඩපාත පොල්හේන සිරි සඳහම් භික්‍ෂුණී ආරාමයේ ඡන්ද මධ්‍යස්ථානයේ ස්ථානාධිපතිනිය එම මධ්‍යස්ථානය තුළදී  හදිසියේ රෝගී වී ඊයේ (13) රාත්‍රී  හදිසියේ  මියගිය බව කැස්බෑව පොලිසිය කියයි

මෙලෙස මියගොස් ඇත්තේ කොළඹ 12 මහාධිකරණයේ වැඩසටහන් සහායක නිලධාරිනියක ලෙස රැකියාවා  කරන පයාගල  ,ඉඳුරුවගොඩ , කෝපිවත්ත  පදිංචිව සිටි  ලියනගේ චාමිකා රුවනි ලියනගේ 48 මෙනවියයි 

මියගිය එම නිලධාරිනිය ඊයේ (13)  රාත්‍රී තවත් නිලධාරිනියන් දෙදෙනෙකු සමග භික්‍ෂුණී ආරාමයේ ඡන්ද මධ්‍යස්ථානයේ රැඳී සිටියදී  රාත්‍රී 8.30 ට පමණ හදිසි රෝගී තත්ත්වයක් ඇතිවී  ඇති අතර අනෙකුත් නිලධාරිනියන් 1990 සුව සැරිය ගිලන් රථයට දැනුම් දී එය පැමිණෙන තෙක් බලා හිඳ සිට ඇති බව පොලිසිය කියයි

ෙඑය පැමිණීම ප්‍රමාද බැවින් එහි සිටි පොලිස් නිලධාරියා විසින් පොලිස් ජංගම සංචාරක රථයට දන්වා එය එම ස්ථානයට ගෙන්වා කෘතිම ස්වසනය ලබා දෙමින් පිළියන්දල දිසා රෝහල වෙත ඇතුළත් කරන විටත්, මියගොස්ව සිට ඇතැයි  පොලිසිය සඳහන් කරයි.

මියගිය නිලධාරිනිය යම් රෝගී තත්ත්වයකට ප්‍රතිකාර ලබාගෙන ඇතැයිද පොලිස් විමර්ශනවලදී අනාවරණය වී ඇත.

පිළියන්දල දිසා රෝහල වෙත පැමිණි කැස්බෑව හදිස්සි මරණ පරීක්ෂක අජිත් විජේසිංහ මහතා  මළ සිරුර පරික්ෂා කිරීමෙන් අනතුරුව පශ්චාත් මරණ පරීක්ෂණය සඳහා කළුබෝවිල ශික්‍ෂණ රෝහලේ මෘත ශරීරාගාරයේ තැන්පත් කරන ලෙස පොලිසියට නියෝග කළේය.

කැස්බෑව පොලිසියේ ස්ථානාධිපති ප්‍රධාන පොලිස් පරීක්ෂක රංජන සමරසිංහ මහතාගේ උපදෙස් මත
විමර්ශන සිදු කෙරේ