පානීය ජල බෝතල් සඳහා පාලන මිලක්

පානීය ජල බෝතල් සඳහා පාලන මිලක් නියම කරමින් පාරිභෝගික කටයුතු අධිකාරිය විසින් ගැසට් නිවේදනයක් නිකුත් කර තිබේ.

මේ අනුව මිලිලීටර් 500 සිට මිලිලීටර් 999 දක්වා වූ පරිමාණයෙන් යුත් ජල බෝතලයක උපරිම සිල්ලර මිල රුපියල් 70ක් වේ.

ලීටර් 1ත් මිලිලීටර් 1,499 ත් අතර ප්‍රමාණයක ජල බෝතලයක උපරිම සිල්ලර මිල රුපියල් 100ක් වන අතර, ලීටර් 1.5ත් මිලිලීටර් 1,999 ත් අතර ජල බෝතලයක සිල්ලර මිල රුපියල් 130ක් බවද අදාළ ගැසට් නිවේදනයේ සඳහන් කර තිබේ.

ලීටර් 2ත් මිලිලීටර් 2,499ත් අතර පරිමාවකින් යුත් ජල බෝතලයක සිල්ලර මිල රුපියල් 160ක් වන අතර, ලීටර් 5 මිලිලීටර් 6,999ත් අතර පරිමාවකින් යුත් ජල බෝතලයක මිල රුපියල් 350ක් වේ. 

මේ අනුව මෙම මිලට වඩා වැඩියෙන් වෙළඳාම කිරීම, ඇසුරුම් කිරීම හෝ වෙළඳාම් කිරීමට ඉදිරිපත් කිරීම හෝ වෙළඳාම සඳහා ප්‍රදර්ශනය කිරීම නීතියෙන් දඬුවම් ලැබෙන වරදක් බවද පාරිභෝගික කටයුතු අධිකාරිය සඳහන් කරයි.