ප්‍රසව හා නාරිවේද විශේෂඥ වෛද්‍යවරුන් 16ට සායනික මහාචාර්ය පදවි
ප්‍රසව හා නාරිවේද විශේෂඥ වෛද්‍යවරුන් 16 දෙනෙකුට බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේ දී අග්‍රාමාත්‍ය මහින්ද රාජපක්ෂ මහතාගේ අතින් ඊයේ (26දා) දින පස්වරුවේ “සායනික මහාචාර්ය” පදවි පිරිනැමිණි.
ප්‍රසව හා නාරිවේද විශේෂඥ වෛද්‍යවරුන්ගේ විද්‍යාතනයේ 54 වැනි වාර්ෂික සමුළුවේ සමාරම්භය අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් පැවැති අවස්ථාවේ මෙම සායනික මහාචාර්ය පදවි පිරිනැමීම සිදුවිය.
අග්‍රාමාත්‍ය මහින්ද රාජපක්ෂ මහතා සමඟ මෙම සමුළුවට අග්‍රාමාත්‍ය ආර්යා ශිරන්ති වික්‍රමසිංහ රාජපක්ෂ මහත්මිය ද එක්ව සිටියාය.
ප්‍රසව හා නාරිවේද විශේෂඥ වෛද්‍යවරුන්වන මහාචාර්ය ඩබ්ලිව්.අයි. අමරසිංහ, එරන්දි සමරකෝන්,එම්.සදානන්දන්,එස්.එල්.එෆ්. අක්බාර්,එස්.කේ රණරාජා,සනත් ලැන්රෝල්,එස්.බී ඒකනායක,ගෞරි සෙන්තිල්නාදන්,එස්.ශිවසුමිත්‍රන්,රාණි සීතාම්භපිල්ලේ,දර්ශන ද සිල්වා,එම්.එන් ජිෆ්රි,ටී.කටොට්ගජන්,ක්‍රිෂාන් සිල්වා,නිශේන්ද්‍ර කරුණාරත්න,එච්.එම්.ජේ.එන්.හේරත් මහත්ම මහත්මීහු මෙලෙස සායනික මහාචාර්ය පදවි සහතික අග්‍රාමාත්‍යතුමාගේ සුරතින් ලබා ගත්හ.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
