නුවන් තුෂාරට ඉන්දීය තරගාවලිය අහිමි වෙයි

ඉන්දියාව සමග පැවැත්වෙන විස්සයි විස්ස තරගාවලියට නම් කළ සංචිතයේ සිටි නුවන් තුෂාර  ආබාධයක් හේතුවෙන් එම තරගාවලියට ක්‍රීඩා නොකරන බව ශ්‍රී ලංකා ක්‍රිකට් ආයතනය නිවේදනය කරයි. තරගාවලියට පුහුණුවීම් අතරතුරදී ඔහුගේ වම් මහපට ඇඟිල්ල බිඳී යාම ඊට හේතුවයි. තුෂාරගෙන් හිස්වන කණ්ඩායමේ ස්ථානයට වමත් වේග පන්දු යවන ක්‍රීඩක දිල්ෂාන් මදුශංක කැඳවා ඇත. තරග තුනකින් යුත් ඉන්දු - ශ්‍රී ලංකා විස්සයි20 තරගාවලිය හෙට (27දා) සිට එළඹෙන 30 දා දක්වා පැවැත්වේ.