නීති විරෝධීව එකලස් කළ වාහන 5ක් අල්ලයි

නීති විරොධීව එකලස් කරන ලද වාහන පහක් වලාන මධ්‍යම දූෂණ මර්ධන ප්‍රහාරක ඒකකය විසින් අත්අඩංගුවට ගෙන තිබේ.

නීති විරෝධී ලෙස මෙරටට ගෙන්වා එකලස් කරන ලද හෝ සොරකම් කරන ලද වාහන වලට චැසි අංක කොට කූඨ ලේඛණ භාවිත කරමින් ලියාපදිංචි කර ඇති බවට සැක කරන ජීප් රථ දෙකක්, කාර් රථ දෙකක් හා ඩිෆෙන්ඩර් රථයක් මෙසේ පොලීසිය විසින් සොයාගෙන තිබේ.

ශ්‍රී ලංකා පොලීසිය විසින් ක්‍රියාත්මක කරනු ලබන අපරාධ හා මත්ද්‍රව්‍ය නිවාරණ මෙහෙයුමට අදාළව කලවාන පොලිස් වසමේ මානාන හා කොස්වත්ත ප්‍ර දේශවලදී වලාන දූෂණ මර්ධන ප්‍රහාරක ඒකකයේ නිලධාරීන්ට ලද තොරතුරක් මත මෙම වාහන සොයාගෙන තිබේ.

මෙම වාහන වල හිමිකරු සන්තකයේ තිබූ බලපත්‍ර පරීක්ෂා කරමින් සිටියදී ඔහුට ඇති වූ අසනීප තත්ත්වයක් හේතුවෙන්  ප්‍රතිකාර සඳහා කලවාන රෝහලට ඇතළත් කර ඇත. ඉදිරි විමර්ශන කටයුතු කලවාන පොලීසිය හා වලාන දූඹණ මර්ධන ප්‍රහාරක ඒකකය මගින් සිදු කරයි.