කොළඹ සිට පිදුරුතලාගලට යතුරුපැදියක නැගී නිර්වස්ත්රව ගමන් කිරීමට උත්සාහ කිරීමේ දී කඩුගන්නාව පොලීසිය මගින් අත්අඩංගුවට ගත් පුද්ගලයා අද (05) මහනුවර මහේස්ත්රාත් අධිකරණය හමුවට ඉදිරිපත් කිරීමෙන් පසු ඔහු බන්ධනාගාර අධිකාරිවරයා හරහා මානසික වෛද්යවරයෙකුට ඉදිරිපත් කරන ලෙස නියෝග කරමින් මේ මස 19 වැනි දින දක්වා නැවත රක්ෂිත බන්ධනාගාරගත කළේය.
එසේ රක්ෂිත බන්ධනාගාර ගත කරනු ලැබූයේ කාරියවසම් පතිරණගේ කවීස සම්සර කාරියවසම් නැමැති 23 හැවිරිදි අහංගම ගුරුල්ලවල ප්රදේශයේ පදිංචිකරුවෙකි.
එම පුද්ගලයා ඉකුත් 03 වැනි දින කඩුගන්නාව පොලිසිය විසින් අත්අඩංගුවට ගෙන මහනුවර මහේස්ත්රාත් අධිකරණය හමුවට ඉදිරිපත් කිරීමෙන් අනතුරුව අද (05) දින දක්වා රක්ෂිත බන්ධනාගාරගත කොට තිබුණි.
කඩුගන්නාව පොලිසියේ වැඩ බලන ස්ථානාධිපති ප්රධාන පොලිස් පරීක්ෂක චමින්ද ගුණරත්න මහතා විසින් අධිකරණයට කරුණු දක්වා සිටි අතර එහිදී සැකකරු කලබලකාරී ලෙස අධිකරණය හමුවේ හැසිරෙන ආකාරයක් ප්රදර්ශනය විය.
අන්තරාකාරී ලෙස රිය පැදවීම හා මහජන පීඩා ඇතිවන ලෙස කටයුතු කිරීම යන චෝදනා යටතේ සැකකරු අධිකරණය හමුවට ඉදිරිපත් කොට තිබුණි.