නැගෙනහිර යම් කණ්ඩායමක් පිළිබඳව තොරතුරු ලැබී තිබෙනවා

නැගෙනහිර පළාත කේන්ද්‍ර කර ගනිමින් යම් කණ්ඩායමක් පිළිබඳව තොරතුරු ලැබී තිබෙන බව, කැබිනට් මාධ්‍ය ප්‍රකාශක අමාත්‍ය නලින්ද ජයතිස්ස මහතා සඳහන් කළේය.

ඒ පිළිබඳව බුද්ධි අංශ හා ආරක්ෂක අංශ විසින් අනාවරණය කර ගනිමින් තිබෙන බවත්, මෙම පිරිස්වල ක්‍රියාකාරීත්වය පිළිබඳව ආරක්ෂක අංශ සුපරික්ෂාවෙන් සිටින බවද පැවසීය.

ඊයේ පැවැති කැබිනට් තීරණ දැනුම් දීමේ අවස්ථාවේදී කල්මුණේ ප්‍රදේශය කේන්ද්‍ර කර ගනිමින් නිර්මාණය වී ඇති අන්තවාදී සංවිධානයක් පිළිබඳව මාධ්‍යවේදීන් නැගූ ප්‍රශ්නයකට පිළිතුරු ලබා දෙමින් මේ බව අමාත්‍යවරයා සඳහන් කළේය.

එහිදී අමාත්‍යවරයා මෙසේද සඳහන් කළේය.

“ජනාධිපතිවරයාත් ආරක්ෂක අංශ වැය ශීර්ෂයට ඇවිල්ලා යම් කරුණු ප්‍රමාණයක් කිව්වා. දැනට අපිට කියන්න තියෙන්නේ ආරක්ෂක අංශ ඒ පිළිබඳව සුපරීක්ෂාවෙන් සිටිනවා කියන එක.”