නාමල්ගේ ප්‍රතිපත්ති ප්‍රකාශය අද

ශ්‍රී ලංකා පොදුජන පෙරමුණු ජනාධිපති ධුර අපේක්ෂක නාමල් රාජපක්ෂ මහතාගේ ප්‍රතිපත්ති ප්‍රකාශනය කොළඹදී අද (02දා) එළිදැක්වීමට නියමිතය.

ඒ අනුව එය 'ශ්‍රී ලංකා පොදුජන පෙරමුණ ප්‍රතිපත්තිමය ඉලක්කය සහ නව්‍යකරණ වැඩපිළිවෙල 2025/2035' ලෙස නම් කර ඇත.

කොළඹ, අයිටීසී රත්න දීප බෝල් රූම් පරිශ්‍රයේදී අද පෙරවරු 10ට ආරම්භ වන මෙම උත්සව අවස්ථාවට ශ්‍රී ලංකා පොදුජන පෙරමුණෙහි නායක, හිටපු ජනාධිපති මහින්ද රාජපක්ෂ මහතා ඇතුළු පක්ෂ සාමාජිකයන් පිරිසක් මෙන්ම ජනාධිපතිවරණයේදී නාමල් රාජපක්ෂ මහතාට සහය  එක්වීමට එක්වන පාර්ශවයන්ද සහභාගි වීමට නියමිතය.