දෙවිනුවර තරුණයාගේ දේහයට අධිකරණයෙන් නියෝගයක්

දෙවිනුවර දේවාලය ඉදිරිපිටදී වෙඩි තබා ඝාතනය කල පසිදු තාරක තරුණයාගේ දේහය දෙවිනුවර නගරයට හෝ මහජනතාව රැස්වන ස්ථානයට රැගෙන නොයන ලෙසත් එම දේහය නිවසේ සිට සුසාන භූමිය දක්වා සාමකාමීව රැගෙන ගොස් මිහිදන් කරන ලෙසත් මාතර වැඩබලන මහේස්ත්‍රාත් හා නීතිඥ උපාලි රණසිංහ මහතා අද (30) එම තරුණයාගේ පියා ඇතුළු පවුලේ සාමාජිකයින් වෙත නියෝගයක් නිකුත් කළේය.

විශේෂයෙන්ම එම දේහය භූමීදානය කිරීමට පෙර දෙවිනුවර ඔරලෝසු කණුව ඉදිරිපිටට හෝ නගරයට රැගෙන විත් විරෝධයක් දැක්වීමට සැලසුම් කර ඇති බවට බුද්ධි නිලධාරීන්ගෙන් හා මහජනතාවගෙන් තොරතුරු වාර්තා වු බවද එසේවුවහොත් සාමය කඩවීමට ඉඩ ඇති බවද මාතර කතරගම මාර්ගයේ වාහන ගමනාගමනයට බාධා ඇතිවිය හැකි බවද ජනාධිපතිවරයාගේ නිල සංචාරයක් මාතර දිස්ත්‍රික්කය තුල සිදු වන බැවීන් ආරක්ෂාව තහවුරු කල යුතුව ඇති බවද පොලීසිය අධිකරණයට කරුණු දක්වමින් කියා සිටියේය.

මාතර ක්‍රිෂාන් ජීවක ජයරුක්