දුරකතන ඇමතුමක් දි ගෙන්වාගත් 22 හැවැරිදි තරුණයා ඝාතනය කරයි

දුරකථන ඇමතුමක් දී පුද්ගලයකු බ්ලු මැන්ඩල් දුම්රියපොළ පාරඅසලට  ගෙන්වාගෙන තියුණු ආයුධ වලින් පහරදි ඝාතනය කර ඇතැයි කොටහේන පොලිසිය කියයි 

මෙලෙස ඝාතනයට ලක්ව ඇත්තේ මට්ටක්කුලිය රොද්‍රිගු ප්‍රදේශයේ පදිංචිව සිටි ජි අමිල මදුසංක (22) නැමැත්තෙකි

මරණකරුට ඊයේ (18) රාත්‍රී බ්ලු මැන්ඩල් දුම්රියපොළ පාර අසලට පැමිණෙන ලෙස පුද්ගලයකු දුරකථන ඇමතුමක් ලබා දී ඇති අතර ඔහු බිරිඳ සමඟ එම ස්ථානයට පැමිණ රැඳී සිටියදී පුද්ගලයකු පැමිණ මරණකරුව වෙනත් ස්ථානයකට කැඳවාගෙන ගිය අවස්ථාවේදී යතුරු පැදි වලින් පැමිණි පිරිසක් විසින් තියුණු ආයුධ වලින් පහරදී මෙම ඝාතනය සිදුකර ඇතැයි පොලිසිය කියයි

ඉන්දියාවේ සැඟව සිටින මහා පරිමාණ මධ්‍යයේ ජාවාරම්කරුවෙකු සහ සංවිධානාත්මක අපරාධකරුවකු වන මෝදර ප්‍රදීප් නමැත්තාගේ සමීපතමයෙකු ඝාතනය කිරීම සම්බන්ධයෙන් ආධාර අනුබල දීමේ සිද්ධියක් සම්බන්ධයෙන් දෙපාර්ශවයක් අතර පවතින ගැටුමක ආරවුලක් මෙම ඝාතනයට හේතුවන්නට ඇතැයි පොලිසිය සැක කරයි

සැකකරුවන් අත්අඩංගුවට ගැනීම සඳහා විමර්ශන කණ්ඩායම් කීපයක් යොදවා ඇතැයි උසස් පොලිස් නිලධාරියෙක්ක් පැවසීය

කොටහේන පොලිසියේ ස්ථානාධිපති ප්‍රධාන පොලිස් පරික්ෂක  කෝසල ලියනාරච්චි මහතාගේ උපදෙස් මත අපරාධ විමර්ශනා අංශයේ ස්ථානාධිපති උප පොලිස් පරීක්ෂක අරවින්ද මහතා ඇතුළු කණ්ඩායමක් පරීක්‍ෂණපවත්වයි