ඓතිහාසික ශ්රී දළදා මාළිගාවේ වත්මන් නිලමේවරයා මේ වන විට වසර විස්සක පමණ කාලයක් පුරා සිය ධුරයෙහි රැඳී සිටින බැවින් නිලමේවරයාට පවතින ධුර කාලය වසර පහකට සීමා කළ යුතු බව ඓතිහාසික මිහින්තලා රජමහා විහාරාධිපති පූජ්ය ආචාර්ය වලවාහැංගුණවැවේ ධම්මරතන හිමියෝ පවසති.
ඒ හිමියන් මේ බව පැවසුවේ අද (01දා) මිහින්තලේ පුදබිමේ දී පැවති මාධ්ය හමුවකට එක් වෙමිනි. වර්තමානයේ දී මාලිගාවේ නිලමෙවරයා ඉතා දිගු කාලයක් නිලමේ තනතුරේ රැඳී සිටීමට සැලැස්වීමෙන් නිලමේවරයා මුදලාලි කෙනෙකු ලෙස ජනතාව හඳුන්වනු ලබන බවත්, එසේම ඔහු ජනතාවගෙන් චෝදනා ලබන්නෙකු බවට පත්වෙමින් ඇති බවත් එහිමියෝ පවසති.
විහාර දේවාලගම් පනත සංශෝධනය කර අඩුම තරමින් නිලමේවරයාගේ ධුර කාලය වසර 5ක් ලෙස සීමා කරන ලෙසත්, නොමැති නම් උපරිම ධුර කාලය වසර 10කට සීමා වන සේ ගැසට් පත්රයක් ඉදිරිපත් කරන ලෙස ජනාධිපතිවරයාගෙන් ඉල්ලා සිටින බවත උන්වහන්සේ පවසති.මේ පිළිබඳ අනාවරණය කිරීම නිලමේවරයා සම්බන්ධයෙන් පෞද්ගලිකව ගැටලුවක් නොවන බවත්, පූජනීය වස්තු රැක ගැනීමට හානියක් නොවිය යුතු බවත් උන්වහන්සේ මෙහිදී පැවසූහ.
තිරප්පනේ සමන් කේ.ගමගේ