දඹුල්ල සමූපකාරයේ අක්‍රමිකතා ගැන පරික්ෂණ අරඹයි

රංගිරි දඹුල්ල විවිධ සේවා සමූපකාර සමිතියේ සිදුවී ඇතැයි කියන වංචා රැසක් සම්බන්ධයෙන් මධ්‍යම පළාත් සභාවේ සමූපකාර දෙපාර්තමේන්තුව මඟින් ඔවුන්ට පැවරී ඇති බලතල අනුව 46 (1) පරීක්ෂණයක් ආරම්භ කොට ඇතැයි මධ්‍යම පළාත් සමූපකාර සංවර්ධන දෙපාර්තමේන්තුවන් දැන්වීම් මඟින් ප්‍රසිද්ධ කොට තිබේ.

ඒ අනුව දඹුල්ල ප්‍රදේශයේ ග්‍රාමීය බැංකුවල  පලකොට ඇති දැන්වීමක සඳහන් කොට ඇත්තේ   මධ්‍යම පළාත් සභාවේ 1993 අංක හතර දරන සමූපකාර සමිති සංශෝධන ඥප්තියේ සංශෝධිත 1990 අංක 10 දරණ සමූපකාර සමිති ප්‍රඥප්තියේ හතළිස් හය එක වගන්තිය යටතේ සීමා සහිත රංගිරි දඹුල්ල විවිධ සේවා සමූපකාර සමිතිය පිළිබඳව පහත කරුණු සම්බන්ධයෙන් විභාගයක් හා පොත්පත් පිළිබඳව පරීක්ෂණයක් පැවැත්වීමට මධ්‍යම පළාත් සභාවේ සමූපකාර සංවර්ධන කොමසාරිස් විසින්  2025 පෙබරවාරි 19 වැනි දා ලිඛිතව අප වෙත බලය පවරා ඇතැයි සමූපකාර සංවර්ධන දෙපාර්තමේන්තුවේ සඳහන් කොට තිබේ.

 ඒ අනුව පරීක්ෂණයට භාජනය කරනු ලබන්නේ  සිද්ධීන් දොළහක් බව ප්‍රදර්ශනය කොට තිබේ. 01 ,ග්‍රාමීය බැංකු අංශ  ණය නිකුත් කිරීම ,02 දිරි දීමනා ගෙවීම 03 ග්‍රාමීය බැංකු අංශ මුදල් ආයෝජනය 04 ග්‍රාමීය බැංකු අංශ ඉදිකිරීම් 05 සමිතිය සිදුකරන ලද නියෝජිත අලවිසේවා සම්බන්ධව ඕලේ නියෝජිත ධුරය 06  පාරිභෝගික අංශයේ සිදුවන අප්‍රමිකතා 07 ඩබල් කැබ් රථය 08  පිරවුම් පල අංශයේ සිදුවන අක්‍රමිකතා  09 අධ්‍යක්ෂක මණ්ඩලය සහ මහ සභා නියෝජිත වෙනුවෙන් කරන ලද වියදම් 10 සේවක මණ්ඩලයේ සේවා අත්හිටුවීම් සේවය ඉවත් කිරීම් සේවා තත්ත්වයන් පහළ දැමීම සම්බන්ධව 11  සාමාජික නාම ලේඛන යාවත්කාලීන සම්බන්ධව 12  2025 ප්‍රාදේශික මහ සභා ස්ථාපන කටයුතු යන කරුණු දොළහ යටතේ මෙම පරීක්ෂණ පවත්වන බව සමූපකාර සංවර්ධන දෙපාර්තමේන්තුව නිවේදනය නිකුත් කොට තිබේ .

මෙම පරීක්ෂණ කටයුතු කරනු ලබන්නේ 2008 ජනවාරි එක සිට2025 පෙබරවාරි 15 දින දක්වා කාල පරිච්ඡේදයට අදාළව බවද  මේ  කරුණු සම්බන්ධයෙන් ජනතාව යමක් දන්නේ නම් තොරතුරු තිබේ නම් ලිඛිතව වාචිකව මුද්‍රිත හෝ වෙනත් මාර්ගයකින් මාර්තු 15 වන දිනට පෙර සමුපකාර   සංවර්ධන දෙපාර්තමේන්තුව වෙත ලබාදීමට හැකි බවද නිවේදනයේ සඳහන් කොට තිබේ.

 එමෙන්ම සමුපකාර සංවර්ධන නිලධාරින් හතර දෙනකු මේ සඳහා පත් කොට තිබේ. ඒ අනුව වරුනි  ජයසිංහ, ලලනී උඩහේවාහැට, පියුමි  වාසලසූරිය ,නිවන්ති  සෙල්ලප්පෙරුම යන සමූප සංවර්ධන නිලධාරීහු පත් කොට තිබේ,