තඹුත්තේගම වෑන් - ‌ලොරි අනතුරින් 4ක් මරුට

අනුරාධපුර - පාදෙණිය මාර්ගයේ තඹුත්තේගම, ඊරියගමදී සිදු වූ රිය අනතුරකින් සිව් දෙනකු මියගොස් තවත් සිවු දෙනකු තුවාල ලබා ඇතැයි තඹුත්තේගෙම පොලිසිය කියයි. අද පෙරවරුවේ මෙම මාරක අනතුර සිදුව තිබේ.

මෙසේ මියගොස් ඇත්තේ කහටගස්දිගිලිය ප්‍රදේහයේ පදිංචි කරුවන් පිරිසකි. විදෙස් ගමන් බලපත්‍ර ලබා ගැනිමට ගොස් ආපසු යමින් සිටියදී මාර්ගය අසල නවතා තිබූ ලොරි රථයක ගැටීමෙන් මෙම අනතුර සිදුව තිබේ. මියගිය අය අතර කාන්තාවෝ තිදෙනෙක් වෙති.

මෙසේ  මියගොස් ඇත්තේ මවුලානා සින්දු අහමඩ් (රියැදුරා) (46) ජේනු අහබ්දුල් චාපා (46)සයිදු අහමදු මවුලානා (43) සහ අබ්දුල් රහිමන් මොහොමඩ් රසීම් (36) නමැති සිවු දෙනෙකි.

තුවාල කරුවන්ගේ තිදෙනකු තඹුත්තේගම රෝහලේ ප්‍රතිකාර ලබන අතර එක් අයකුගේ තත්ත්වය බරපතල වූයෙන් වැඩිදුර ප්‍රතිකාර සඳහා අනුරාධපුර රෝහලට මාරු කර යවා ඇත.