ටි56 හිස් මැගසින් හා මත්ද්‍රව්‍ය දෙහිවලින් සොයාගනී

යම් පාතාල කණ්ඩායමකට අයත්  බවට සැක කරන ටි 56 ජීව උණ්ඩ යොදන හිස් මැගසින් 16 ක් කිලෝ 3 ගෑම් 416 ක් අයිස් මත්ද්‍රව්‍ය ගෑම් 40 ක්  සමග දෙහිවල ගල් විහාර පාර නිවසක පදිංචි පුද්ගලයෙකු විශේෂ මාර්ග බාධකයකදී අත්අඩංගුවට ගත් බව දෙහිවල පොලිසිය කියයි.

යුක්තියේ මෙහෙයුමට සමගාමීව දෙහිවල ගල්වල පාරේ ඊයේ (10දා) රාත්‍රී  විශේෂ මාර්ග බාධකයක් යොදා  සැකකටයුතු වාහන පරික්ෂා කිරීමේදී සැකකරු පැමිණි යතුරුපැදිය නවතා සිදු කළ පරික්ෂාවේදී එම ස්ථානයේදී ගංජා කිලෝ 2 ක් සහ අයිස් මත්ද්‍රව්‍ය  ග්‍රෑම් 40 ක් සමග අත්අඩංගුවට ගත් සැකකරු පදිංචි දෙහිවල ගල් විහාර පාරේ නිවස වටලා සිදු කළ සෝදිසි මෙහෙයුමේදී  තවත්  ගංජා කිලෝ එකයි ගෑම් 416 ක් හා ඇඳක් යට පාර්සල් තුනක බහා තිබූ මැගසින්  තොගය හමු වූ බව පොලිසිය කියයි.

ශාන්ත ප්‍රදීප් කුමාර කුලරත්න/ බිමල් ශ්‍යාමන් ජයසිංහ