ජලාශවල ජල මට්ටම පහළට

මධ්‍යම කදුකර ප්‍රදේශයන්ට පවතින වියළි කාලගුණිත තත්වයන් මත කාසල්රි හා මාඋස්සාකැලේ ජලාශවල ජල මට්ටම් සිග්‍ර ලෙස පහල බසිමින් පවති.

මෙම තත්වයන් පිලිබදව කරන ලද විමසිමකදි අදහස් දැක්වු එම ජලාශ බාර නිලධාරියකු පවසන ලද්දේ මෙම ප්‍රදේශයන්ට මේ වන විට පවතින වියළි කාලගුණික තත්වයන් මත කාසල්රි හා මාඋස්සාකැලේ ජලාශවල ජල මට්ටම් සිග්‍රයෙන් පහල බසිමින් පවතින බවත්.

එම තත්වයන් මත 23වන දින උදැසන වන විට කාසල්රි ජලාශයේ ජල මට්ටම පිටාර මට්ටමට අඩි 21යි අගල් 05ක් පහලින්ද මාඋස්සාකැලේ ජලාශයේ ජල මට්ටම පිටාර මට්ටමට අඩි 18යි අගල් 06ක් පහලින්ද පවතින බවත්ය.

මෙම ජලාශවල ජලයෙන් විමලසුරේන්ද්‍ර, ලක්ෂපාන, නව ලක්ෂපාන, කැනියන්, පොල්පිටිය, වැනි ජල විදුලි බලාගාරවලින් ජල විදුලිය නිපදවන බවත් මෙම ජලාශවල ජල මට්ටම් මෙසේ පහල බැස තිබුනද මෙම ජලාශවල පවතින ජලය ජල විදුලිය නිපදවිම සදහා අදාල ජල විදුලි බලාගාර වෙත ජලය හැකි අයුරින් බෙදා හැරිමට පියවර ගන්නා බවද එම නිලධාරියා වැඩි දුරටත් පැවසිය. 

චන්ද්‍ර සෙල්ලහේවා හැටන්