ජනවාරි මාසයේදී මත්ද්‍රව්‍ය සමග පුද්ගලයන් 5,000කට ආසන්න පිරිසක් අත්අඩංගුවට

මෙම වසරේ ජනවාරි මාසය තුළ මත්ද්‍රව්‍ය සමග පුද්ගලයන් 5,000කට ආසන්න පිරිසක් අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි කේ.බී.මනතුංග මහතා පැවසීය.

​කොළඹ දැන් පැවැත්වෙන මාධ්‍ය හමුවකට එක්වෙමින් හෙතෙම මේ බව සඳහන් කළේය.

“මෙම වසරේ ජනවාරි 01 වැනිදා සිට ජනවාරි 31 වැනිදා දක්වා සිදු කළ මත්ද්‍රව්‍ය වැටලීම් වලින් ගංජා කිලෝග්‍රෑම් 602ක්, අයිස් කිලෝග්‍රෑම් 24 ග්‍රෑම් 245ක්, හෂීෂ් කිලෝග්‍රෑම් 25 ග්‍රෑම් 483ක්, හෙරෝයින් කිලෝග්‍රෑම් 6ට ආසන්න ප්‍රමාණයක් පොලිස් භාරයට ගෙන තිබෙනවා. එහිදී මේ හා සම්බන්ද සැකකරුවන් 5,000ට ආසන්න සංඛ්‍යාවක් අත්අඩංගුවට ගෙන අපි ඔවුන්ට​ නීතිය ක්‍රියාත්මක කරලා තියෙනවා. ”