ගොරිල්ලාට බය නොවුනු රිලවුන්

රිලවුන් රංචුවක් හේතුවෙන් තමන් දැඩි අසිරුතාවයට පත් වි ඇති බව බගවන්තලාව නගරයේ ව්‍යාපාරික ප්‍රජාව සහ ප්‍රදේශවාසින් පැවසුහ.

මාසයක පමණ කාලයක් තුල රිලවුන් රංචුවක් තම ප්‍රදේශයට පැමිණ ඇති බවත්, මේ වන විට එම රිලවුන් තම වෙලදසැලේ ප්‍රදර්ශනය කර ඇති එලවළු සහ පලතුරු රැගෙන පලා යන බවත්, පවත්නා තත්ත්වය මත එම රිලවුන් රංචුවෙන් ගැටළු රැසක් මතු වි ඇති බව එම වෙලෙදුන් කියා සිටිති.

රිලවුන් බිය ගැන්විම සදහා ගොරිල්ලෙකුගේ රුව සහිත වෙස් මුහුණක් පළතුරු සහ එලවළු මත තබා ඇති බවත්, එම වෙස් මුහුණු දෙස නොබලා රිලවුන් පළතුරු සහ එලවළු රැගෙන පලා යන බව වෙලෙදුන් පවසයි.

මෙම රිලා රංචුව පැටවුන් දමා බෝ විමට ප්‍රථම අල්ලා වෙනත් සුදුසු පරිසරයකට රැගෙන ගොස් මුදා හරින ලෙස බගවන්තලාව නගරයේ ව්‍යාපාරිකයන් අදාල බලධාරින්ගෙන් ඉල්ලා සිටිති.