ගාල්තැන්න කපුවාගේ තවත් සැක මොන්ටෙරෝ රථයක් පොලිස් භාරයට

ගාල්තැන්න ප්‍රදේශයේ සුප්‍රසිද්ධ දේවාලයක කපුවෙකු සන්තකයේ තිබූ සැකකටයුතු මොන්ටේරෝ වර්ගයේ සුඛෝපභෝගී ජීප් රථයක් තෙල්දෙණිය කොට්ඨාස අපරාධ විමර්ශන ඒකකය මගින්අත්අඩංගුවට ගෙන තිබේ.

තෙල්දෙණිය කොට්ඨාස භාර ජෙෂ්ඨ පොලිස් අධිකාරි රොෂාන් අමරසිංහ මහතාගේ උපදෙස් පරිදි විශේෂ පොලිස් විමර්ශකයන් පිරිසක් අද (04) ගාල්තැන්න දේවාලයට ගොස් එම ජීප් රථය අත්අඩංගුවට ගෙන ඇති අතර පොලිස් කණ්ඩායම එහි යන විටඑම ජීප් රථයේ බැටරි ගලවා එය පණ ගැන්විය නොහැකි ආකාරයට පත්කොට තිබූ බවද පොලිසිය කියයි.

පොලිසිය පවසන ආකාරයට එම සැක කටයුතු ජීප් රථය සම්බන්ධයෙන් සිදුකළ දීර්ඝ කාලීන විමර්ශනයකින් අනතුරුව අනාවරණය කරගෙන ඇත්තේ එය කූඪ ලේඛන උපයෝගී කරගනිමින් ලියාපදිංචි කොට ඇති ජීප් රථයක් බවටයි.

මොන්ටේරෝ වර්ගයේ රුපියල් කෝටි ගණනක් වටිනා එම ජීප් රථය ගාල්තැන්න දේවාලයේ කපුවාගේ නමට 2023 වසරේදී ලියාපදිංචි කරගෙන ඇතත්ඒ සඳහා කූඨ ලේඛන භාවිතා කොට ඇති බවට අනාවරණය වී ඇති බව පොලිසිය කියයි.

එම ජීප් රථයේ හිමිකාරීත්වය සම්බන්ධයෙන් 2023ට පෙරහිමිකරුවකු සම්බන්ධයෙන්වත්මන් හිමිකරු පැවසුවද එවැනි පුද්ගලයෙකු නොමැති බවදපොලිසිය කියයි.

ජීප් රථයේ වත්මන් හිමිකරු වනගල්තැන්න දේවාලයේ කපුවාගෙන් පොලිසිය ප්‍රකාශ සටහන් කරගෙන ඇති අතර තෙල්දෙණිය කොට්ඨාස භාර ජේෂ්ඨ පොලිස් අධිකාරි රොෂාන් අමරසිංහ මහතාගේ උපදෙස් පරිදි කොට්ඨාස අපරාධ විමර්ශන ඒකකයේ ස්ථානාධිපති පොලිස් පරීක්ෂක දිසානායක මහතා ඇතුළු පොලිස් කණ්ඩායමක් වැඩිදුර විමර්ශන සිදුකරයි.

මෙම කපුවා මීට පෙරදී දවාහන සිද්ධියක් සම්බන්ධයෙන් තෙල්දෙණිය පොලිසිය මගින් අත්අඩංගුවට ගෙනඅධිකරණය හමුවට ඉදිරිපත් කිරීමෙන් පසු දීර්ඝ කාලයක් රක්ෂිත බන්ධනාගාරවසිටි අයෙකි.