ග්‍රෑන්ඩ්පාස් වෙඩි තැබීමකින් පුද්ගලයෙක් මරුට

ගෑන්ඩ්පාස්  මාදම්පිටිය  සූසාන භූමියේ ඉදිරිපිටදී   ත්‍රී රෝද රථයක යමින් සිටි පුද්ගලයෙකු ඉලක්ක කරගෙන සිදුකළ වෙඩි තැබීමකින් එම පුද්ගලයා මියගොස් ඇතැයි ග්‍රෑන්ඩ්පාස්  පොලිසිය කියයි.

වෙඩි වැදීමෙන් මියගොස් ඇත්තේ ගෑන්ඩ්පාස්  මිහිජය සෙවණ පදිංචිව සිටි මොහොමඩ් පයිසර් මොහොමඩ් ඉම්තාඩ්
නමැති 35 හැවිරිදි  පුද්ගලයෙකි.

මරණකරු තවත් පුද්ගලයන් දෙදෙනෙකු සමග තීරෝද රථයකින් යමින් සිටියදි  මෝටර් රථයකින් පැමිණි  පිරිසක් පිස්තෝල ගිනි අවියකින් මෙම වෙඩි තැබීම සිදුකර ඇති බව මේ වන විට සිදුකළ පොලිස් විමර්ශනවලදී අනාවරණය වී ඇත.

මරණකරු සමග සිටි අනෙක් පුද්ගලයන් දෙදෙනාට වෙඩි තැබීමෙන් කිසිදු තුවාලයක් සිදුවී නැති අතර මෙය සැලසුම් සහගතව සිදුකළ එකක් බව පොලිසිය සඳහන් කරයි.

මත්ද්‍රව්‍ය  ආරවුලක්ද වෙනයම් හේතුවක් ද යන්න මෙතෙක් අනාවරණය වී නැත.

අදාල වෙඩි තිබීම සම්බන්ධයෙන් කොළඹ අපරාධ කොට්ඨාසය මගින්ද විමර්ශන සිදු කෙරේ. ගෑන්ඩ්පාස්  පොලිසිය පරීක්ෂණ පවත්වයි.