ගනේමුල්ල සංජීව ඝාතනයට අටක් අල්ලයි

ගනේමුල්ල සංජීවට වෙඩි තබා ඝාතනය කිරීම සම්බන්ධයෙන් මේ වන විට සැකකරුවන් අටදෙනෙකු අත්අඩංගුවට ගෙන තිබෙන බව පොලිස් මාධ්‍ය කොට්ඨාසය සඳහන් කරයි.

අපරාධය සිදුකිරීමෙන් පසු  වෙඩික්කරු හා සෙසු සැකකාරිය ත්‍රිරෝද රථයකින් ප්‍රවාහනය කර අපරාධයට අනුබල දීම යටතේ සැකකරුවන් දෙදෙනෙකු  අත්අඩංගුවට  පත්ව ඇත.

මෙලෙස අත්අඩංගුවට ගත් දෙදෙනා  වයස අවුරුදු 19 ක  හා 25 හැවිරිදි වියේ පසුවන අය වෙති. අදාළ ත්‍රිරෝද රථය  විමර්ශන නිලධාරීන් භාරයට ගෙන තිබේ.

අපරාධය සඳහා යොදා ගත්  ගිනි අවිය  සන්තකයේ තබාගෙන සිට  අපරාධයට පෙර වෙඩික්කරුට  ලැබීමට සැලැස් වූ 25 හැවිරිදි  පුද්ගලයෙකුද අත්අඩංගුවට ගෙන ඇත. 

අත්අඩංගුවට ගත් සෙසු පිරිස් අතර  වෙඩික්කරු ලෙස කටයුතු කළ පුද්ගයා හා  වෙඩික්කරු ගමන් කළ රථයේ රියදුරු  වෙඩික්කරු සමග පැමිණි කාන්තාව සමග සම්බන්ධතා පැවැත් වූ  පොලිස් කොස්තාපල් වරයෙකු , වෙඩික්කරු  රැගෙන ආ  කාර් රථයේ  රියදුරු හා වෙඩික්කරු පලා යාමට භාවිත කළ වෑන් රථය සන්තකයේ තිබූ පොලිස් කොස්තාපල්වරයෙකු අත්අඩංගුවට ගෙන තිබේ.  වෑන් රථයේ  චැසි අංකය හා එංජින්  අංකයද වෑන් රථයේ අංක තහඩුද ව්‍යාජ බවට තහවුරු වී ඇත.  සිදුවීම සම්බන්ධයෙන් කොළඹ අපරාධ කොට්ඨාසය විසින් වැඩිදුර විමර්ශන සිදුකරනු ලබයි.