කොළඹ - බදුල්ල බස් රථයක ගමන් මල්ලේ ජීව පතොරම් 123ක්

කොළඹ සිට බදුල්ල බලා ධාවනය වෙමින් තිබූ බස් රථයක ගමන්මලු රඳවනය තුළ තිබූ අයිතිකරුවෙකු නොමැති බෑගියක තිබී  ජීව පතරොම්  123 ක් ඊයේ (22) බණ්ඩාරවෙල පොලීසිය මගින් සොයාගෙන ඇත.

බණ්ඩාරවෙල පොලිස් ස්ථානයට ලද තොරතුරක් මත බණ්ඩාරවෙල පොලීසිය මගින් බණ්ඩාරවෙල නගරයේ  බස් නැවතුම්පොළ අසලදී එම බස් රථය තුල සිදුකල පරීක්ෂාවකදී මෙම ජීව  උණ්ඩ තොගය සොයාගෙන ඇත.

බස් රථයේ ගමන් මලු රදවනයේ තිබූ බෑගයක් තුළවූ  කුඩා යකඩ පෙට්ටියක මෙම ජීව උණ්ඩ තොගය අසුරා තිබූ බව පොලීසිය පවසයි.

මෙම පතොරම් අතර පිස්තෝල සදහා යොදන  පතොරම් 113ක්, ටී56 පතොරම් 09 ක් හා ටී 56 එල්, එම්. ජී  පතොරමක් තිබී ඇතැයිද පොලිසිය පවසය.

මේ සම්බන්ධයෙන් කිසිවෙකුත් අත්අඩංගුවට ගෙන නොමැති අතර සැකකරුවන් අත්අඩංගුවට ගැනීම සඳහා බණ්ඩාරවෙල පොලිසිය පරීක්ෂණ පවත්වයි.

එන් කේ නිශ්ශංක මීගහකිවුල