කොටුව - බදුල්ල රාත්‍රි තැපැල් දුම්රිය කාර්මික දෝෂයකට

කොළඹ කොටුව සිට බදුල්ල බලා ධාවනය වෙමින් තිබූ අංක 1045 රාත්‍රි තැපැල් දුම්රිය අද (3) අලුයම  හදිසි කාර්මික දෝෂයකට ලක්වී ගලබඩ දුම්රිය ස්ථානයේ අතරමග ඇණහිටීම නිසාවෙන් දුම්රිය මගීහු දැඩි අපහසුතාවට පත්ව සිටියහ.

මෙම රාත්‍රි තැපැල් දුම්රිය අලුයම 1.35 ට පමණ උඩරට දුම්රිය මාර්ගයේ ගලබඩ දුම්රිය ස්ථානයට ලගාවූ අතර , එන්ජින් දෙකකින් සමන්විත මෙම දුම්රියේ ඉදිරිපස දුම්රිය එන්ජිමේ හදිසි කාර්මික දෝෂයකට ලක්වීම නිසාවෙන් දුම්රිය මෙසේ අතරමග ඇණහිටියේය.

අනතුරුව නාවලපිටිය දුම්රිය ස්ථානයේ කාර්මික ශිල්පීන් පැමිණ ආපදාවට ලක්ව තිබු දුම්රිය එන්ජිම පිළිසකර කිරිමෙන්  අනතුරුව කොළඹ කොටුව බදුල්ල අංක 1045 දරන රාත්‍රි තැපැල් දුම්රිය පැය තුනක පමණ ප්‍රමාදයකින් පසුව අලුයම 4.30ට පමණ යලි බදුල්ල බලා ධාවනය කැරින.

මේ නිසාවෙන් කොළඹ කොටුව බදුල්ල රාත්‍රි තැපැල් දුම්රියේ ගමන් ගත් දුම්රිය මගීන්ට පැය තුනක පමණ කාලයක් පුරා නිකරුණේ දුම්රිය තුලට වී කල්ගෙවීමට සිදුවූ බවත් දුම්රිය මගීන් සදහන් කලේ

ඇල්ල ප්‍රසාද් රුක්මාල්