කාසල්රී වතු රක්ෂිතගේ ගින්නක්

මධ්‍යම කදුකරයේ බටහිර මායිම් ප්‍ර‍දේශවල මේ දිනවල පවතින අධික වියළි කාලගුනයත් සමග කාසල්රි ජලාශයට මායිම්ව පිහිටි කාසල්රි වතු රක්ෂිත‍යේ (23) දින හටගත් ගින්නකින් එම රක්ෂිතයේ අක්කර පහක පමණ කොටසක් ගිනිගෙන විනාශ වී ඇත.

ඉලුක් සහිත එම රක්ෂිතයට කිසියම් පිරිසක් විසින් ගිනි තබන්නට ඇති බවයි කාසල්රි ජලාශ භාර ආරක්ෂක අංශ නිළධාරින් සැක කරන්නේ.

පැතිර යන ගින්න එම රක්ෂිතයේ ස්ථාන කිහිපයකටම පැතිර ගොස් ඇති බවත්, මෙසේ  රක්ෂිත වලට ගිනි තබන පුද්ගලයන් පිලිබද තොරතුරු වෙතොත් ලගම ඇති පොලිස් ස්ථානය වෙත දැනුම් දෙන ලෙස ජලාශ භාර ආරක්ෂක අංශ නිළධාරින් මහ ජනතාවගෙන් ඉල්ලා සිටියි.