කාන්තාවක් ධාවනය කල මොටර් රථයක් බොක්කුවත් මතට පෙරලෙයි, දෙදෙනෙකුට තුවාල

නොර්වුඩ් සිට හැටන් දක්වා ධාවනය කල මොටර් රථයක් මාර්ගයෙන් ඉවතට පැන බොක්කුවක් මතට පෙරලිමෙන් මොටර් රථයේ ගමන් ගත් කාන්තාවක් සහ තවත් පුද්ගලයෙකු තුවාල ලබා දික්ඔය මුලික රෝහල වෙත ඇතුලත් කර ඇති බව නොර්වුඩ් පොලිසිය පැවසිය.

මෙම අනතුර සිදු වි ඇත්තේ  ඊයේ (29) දින පස්වරු 4 ට පමණ හැටන් නොර්වුඩ් ප්‍රධාන මාර්ගයේ නොර්වුඩ් දියසිරිගම ප්‍රදේශයේදිය.

නව රියදුරු බලපත්‍රයක් ලබාගෙන ඇති කාන්තාවක් විසින් මොටර් රථය ධාවනය කර ඇති බවත්, ධාවනය වෙමින් තිබු මොටර් රථය කාන්තාවගේ පාලනයෙන් මිදි මොටර් රථය මාර්ගයෙන් ඉවතට පැන මෙම අනතුර සිදු වි ඇති බවට සැකකරන බවයි අනතුර සම්බන්ධයෙන් පරික්ෂණ පවත්වන නොර්වුඩ් පොලිසිය කියා සිටියේ.

අනතුරෙන් මොටර් රථයට දැඩි අලාභ හානි වි ඇති බවත්, අනතුර සම්බන්ධයෙන් නොර්වුඩ් පොලිසිය පරික්ෂණ පවත්වයි.