කළුතර දුම්රියක් පීලි පනී

කළුතර දකුණ දුම්රිය ස්ථානය ආසන්නයේ දුම්රියක් පීලි පැනීම හේතුවෙන් අද (06) පෙරවරුවේ මුහුදු බඩ මාර්ගයේ එක් දුම්රිය මාර්ගයක් අවහිරව තිබුණි.

ඊයේ රාත්‍රි මරදාන සිට දකුණු කළුතර බලා ධාවනය වූ අංක දරණ දුම්රිය,  දුම්රිය අංගනයට යොමු කිරීමේදී මෙසේ පීලි පැන ඇති බව සදහන් වේ.

දුම්රිය පීලිපැනීම හේතුවෙන් කළුතර දකුණ දුම්රිය ස්ථානය ආසන්නයේ  එක් මාර්ගයක දුම්රිය ධාවනය අවහිර වී ඇති බව දැකගත හැකිවිය.

පීලි පැන ඇති දුම්රිය අද උදෑසන හතට මරදාන බලා ධාවනය වීමට නියමිතව තිබූ අතර, එය අවලංගු කරන ලදී.

එක්මං තීරුවක් අවහිර වී ඇතත්, අනෙක් මං තීරුවෙන් දුම්රිය සාමාන්‍ය පරිදි ධාවනය වූ සුළු ප්‍රමාදයක් දැක ගත හැකිවිය.

පානදුර සුමිත් පොතුපිටිය