කරාපිටිය රෝහලේ කුලි ආදායම් රජයේ ගිණුම්වලට බැර කර නෑ

ගාල්ල කරාපිටිය ජාතික රෝහල විසින්  ආපනශාලා කුලී ආදායම සහ වෙනත් සේවා කුලී ආදයම වු රුපියල් මිලියන 2.56ක මුදලක් රාජ්‍ය ආදායමට බැරනොකර  සුභසාධන ගිණුම්වලට බැරකිරිම  සම්බන්දයෙන් පුර්ණ පරික්ෂණයක් සිදුකර  වගකිවයුතු නිලධාරින් සම්බන්දයෙන්  විනය ක්‍රියාමාර්ග ගතයුතු බවට විගණනය මගින් නිර්දේශකොට ඇත.

 අයවිය යුතු මුදල් සැපයුම්කරුවන්ගෙන්  එකතුකර නොගැනිමට ද කටයුතු කර තිබුණි. මෙකි ආදායම රාජ්‍ය ආදායමට  බැරකළයුතුවුවත්  2023 වර්ෂයේ ජුනි මස  02 වැනිදින වනවිටත් රාජ්‍ය ආදායමට  මෙම මුදල බැරකොට නොතිබුණි.

 මේ පිළිබද සෞඛ්‍ය අමාත්‍යංශයේ ප්‍රධාන ගණන්දිමේ නිලධාරිවරයා විගණනයට සදහන් කොට ඇත්තේ  විගණන නිරික්ෂණ සමග එකගවන බවත්  ආපනශාලා කුලි හා  වෙනත් කුලි ආදායම්  රාජ්‍ය ආදායමට බැරකිරිමට  කටයුතු කරමින් පවතින බවය.

චන්දන සමරවික්‍රම