එළිපිටම සිදුකරන මහා පරිමාණ ඉන්ධන ජාවාරම

කුරුණෑගල දඹුල්ල ප්‍රධාන මාර්ගයේ මැල්සිරිපුර සිට ගලේවෙල පොලිස් වසම දක්වාත්  දඹුල්ල  ත්‍රිකුණාමලය ප්‍රධාන මාර්ගයේ දඹුල්ල සිට කන්තලේ දක්වාත්  ස්ථාන 15 ක දිවා කාලයේ මෙන්ම රාත්‍රී කාලයේ ඉන්ධන ප්‍රවාහනය කරන  බව්සර් රථ වලින් සහ රජයේ වාහනවලින් ඉන්ධන පිටතට  ලබා ගැනීමේ මහා පරිමාණ ජාවාරමක් ක්‍රියාත්මක වන බව ජනතාව පවසති.

කාලයක සිට මෙම මහා පරිමාණ ඉන්ධන ජාවාරම ක්‍රියාත්මක වුවද ඒවා වැළැක්වීම සඳහා නීති මාර්ග නොමැති බව පොලිසිය කියයි,  මැල්සිරිපුර සිට ගලේවෙල දක්වා වූ ප්‍රධාන මාර්ගයේස්ථාන කිහිපයක ඉතා සූක්ෂම   ඉන්දන ප්‍රවාහනය කරන  බව්සර්  රථ  ප්‍රධාන මාර්ගයට නොපෙනෙන   සැඟවීම සඳහා ස්ථාන සූදානම් කොට තිබේ.

 එම රහසිගත ස්ථානයට බහුසර් රථය නවත්වනවාත් සමඟ කිහිපදෙනෙකු පැමිණ පිරවුම් හල් වලට රැගෙන යන ඉන්දන ටැංකියෙන් බට මගින් පිටතට ලබාගෙන රියදුරන්ට මුදල් ලබාදීම සිදුකරති.

 පිටතට ගන්නා ඉන්ධන තොගය ස්ථානවලම ගබඩාකොට වෙනත් වාහන වලට අලෙවි කිරීම සිදුකරති.

 එමෙන්ම මේ ආකාරයටම රජයේ වාහනය රියදුරන්ද මේ ස්ථානවලටම දමා   ධාවන ටැංකියේ ඇති ඉන්ධන පිටතට ලබාගෙන ඒවාද මෙම ස්ථානයට අලෙවි කිරීම සිදු කෙරෙන බව ජනතාව පෙන්වා දෙති.

දිවා කාලයේ මෙන්ම රාත්‍රී කාලයේද ඉතා ප්‍රසිද්ධියේ කරනු ලබන මෙම ක්‍රියාවලිය පිළිබඳව කිසිදු අයෙකුගේ අවදානමක් යොමු නොවන බව කියති . බව්ස ර    මාර්ගය හරහා පැමිණ ඔවුන්ගේ ටිප්පොලට දමා පිටත් වන තුරු මහමග තැ‍රැව්කරුවන් කිහිප දෙනෙකු ජංගම දුරකථන තබාගෙන රැඳී සිටින බව ජනතාව පෙන්වා දෙති්.

 විසි තුන දින රාත්‍රියේ මැල්සිරිපුර පොලිස් බල ප්‍රදේශයේ ස්ථාන කිහිපයක මේ ආකාරයෙන් බවුසර්  රථ වලින් ඉන්ධනය ලබා ගන්නා ස්ථානයක් මැල්සිරිපුර පොලිසියට දැනුවත් කොට ඇත්තේ ප්‍රදේශවාසීන් විසිනි, පොලිසිය එම ස්ථානයට ගමන් කරන විට  තැරව් කරුවන් ගේ දැනුවත් කිරීම මත රථ  පිටත්ව ගොස් තිබුනද  පිටතට ගත් ඉන්ධන විශාල ප්‍රමාණයක් බැරල් කිහිපයක   ගබඩා කර තිබෙන අයුරු ඉන්ධන එළියට ගැනීම සඳහා උපයෝගී කරගන්නා බැරල් බාල්දි සහ පුනිල සියල්ල එම ගබඩාවේ තිබෙනු පොලිසියට දැක ගැනීමට හැකි විය.

එහෙත් ඉන්ධන ගබඩා කර ගැනීම ලඟ තබා ගැනීම වරදක් නොවන නිසා මෙම තැ‍රැව්කරුවන් සහජාවාරම් ක්රුවන් පොලිසියටද නීතිය පෙන්වා දෙමින් කියා සිටින්නේ බව්සර් රථයකින් බාන අවස්ථාවේදී හෝ අලෙවි කරන අවස්ථාවේදී හැර අත් අඩංගුවට ගැනීමට පොලිසියට හෝ වෙනත් අයකුට හැකියාවක් නැති බවය.

ජාවාරම් කරුවන් එළියට ගෙන තිබූ ඉන්ධන තොග එම ස්ථානයේම දමා නැවත පොලිසියට පිටත්ව යෑමට සිදුවීම කනගාටුදායක තත්ත්වයකි, මේ පිළිබඳව කඩිනමින් අවධානය යොමු කරවන ලෙස ජනතාව බලධාරීන්ගෙන් ඉල්ලා සිටිති.