එදා රට බේරා ගන්න ගිය විරුවට අද ඔබේ සවිය අවශ්‍යයි

නොහික්මුණු රියදුරෙක් නිසාවෙන් සදහටම එක අතක් අහිමිවූ දෙදරුපියෙකු කෘතිම අතක් ලබා ගැනීම සඳහා විඳින අනේක දුක් පිළිබඳ පුවතක් උතුම් පුන් පොහෝ දිනයේ මාතලේ  රතලවැව ප්‍රදේශයේදී වා ර් තා  විය.

 කලක් යුද හමුදාවේ සේවය කළ ඔහුට සිරුරේ ඇති වූ සංකූලතා හේතුවෙන් යුධ හමුදාවෙන් ඉවත්ව කොළඹ ප්‍රදේශයේ පෞද්ගලික ආයතනයක කරණ වෑමියෙකු ලෙස සේවය කරමින් සිටියදී මාතලේ සිට කොළඹ බලා ගමන් කරද්දී අතර මග බස් රථය තවත් ලොරි රථයක ගැටීමෙන් සිදුවූ අනතුරකින් මෙම උදේශ්  මධුමල් තිලකවර්ධන නැමති දෙදරු පියාට එක අතක් අහිමි වී තිබේ.

 පී. ජී .උදේශ්  මධුමල් තිලකවර්ධන මහතා  මාතලේ  රතලවැව, මහවෙල.   ලිපිනයේ පදිංචිව සිටි . මේ වන විට ඔහුට තම ආදරණීය බිරිඳත් පුංචි දියණියත් වයෝවෘද්ධ මවත් මාස දෙකක් පමණ වයස ඇති පුංචි පුතාත් ජීවත් කරවීම සඳහා අනේක දුක් වේදනා විඳිමින් සිටින බව මෙම බිරිඳ හැඬු කඳුළින් අප සමග සඳහන් කළාය.

එක අතකින් උදැල්ලක් අරගෙන ඔහු හැකි පමණින්  ගෙවත්ත   වගාවක්ද ආරම්භ කොට තිබේ. ඒ නිවසේ පරිභෝජනය සඳහාය . නගරයට පා ගමනින් යන ඔහු   කඩල  සහ විවිධ බයිට් ව ර් ග   තොග රැගෙන විත් තම බිරිඳගේ   මෙන්ම දියණියගේ උදව්වෙන් ඒවා පැකට් කොට පා  ගමනින් මහ මඟ ඇවිද ගොස් වෙළඳසැල්වලට ඒවා අල විකිරී   සිදු කරන්නට පටන්ගෙන ඇත්තේ ඔහුට අවශ්‍ය කෘතිම අතක් තනා ගැනීම බව ඔහු කියයි.

 තමන්ගේ බලාපොරොත්තුව සාර්ථක කර ගැනීම සඳහා ඕනෑම දුකක් විඳින බවත් ඔහු සඳහන් කර  සිටි. ඔහුගෙ බිරිඳ කියා සිටියේ තම සැමියා අතක් අහිමි වුවද කිසිදු දිනක තමන් ඇතුළු දරුවන් කුසගින්නේ නොතබන බවය.

 බලාපොරොත්තු  රැසක් තබාගෙන විදේශ රටක රැකියාව සඳහා සියලු කටයුතු සූදානම් කොට ගමන් බලපත්‍ර ඇතුළු ලියකියවිලි විදේශ රැකියා ආයතනයකට භාරදීමට සූදානම්ව තිබෙන අතරතුරදී මෙම අනතුර සිදුවූ බවත් බිරිඳ අප සමග සඳහන් කළාය

  නිවසක් තනා ගැනීමේ සිහිනය දෙදෙනා මතම තිබුණු නිසා ඒ සඳහා අවශ්‍ය ය මුල් අඩිතාලම් කටයුතු පවා ආරම්භ කරමින් සිටියදී මෙම අනතුරට මුහුණ පා මුළු ජීවිතයම විනාශ වූ බව ඇය වැඩිදුරටත් අප සමග සඳහන් කළාය.

තම සැමියාට කෘතිම අතක් බද්ධ කර ගැනීමට හැකියාව ලැබුණහොත් ඉදිරි ජීවිතය ජය ගැනීමට හැකිවනු ඇතැයි ඇය විශ්වාසය පළ කළාය .මධුමාල් කියා සිටියේ විදේශීය රටකින් නිෂ්පාදනය කරන මෙම කෘතිම අත ලබා ගැනීම සඳහා රුපියල් ලක්ෂ දාහතරකට අධික මුදලක් යන බවට කෘතිම අත් නිෂ්පාදනය කරන සමාගමක් දැනුම් දී තිබෙන බවය

තමන්ට මෙම මුදල සොයා ගැනීම සිහිනයක් වුවද එම බලාපොරොත්තුව දරුවන් වෙනුවෙන් අත් නොහර   ඉටුකර ගැනීමට වෙහෙසෙන බව  අප සමග සඳහන් කළේය.

 කවුරුන් හෝ තමන්ට මෙම අත මිලදී ගැනීමට උදව් කරන්නේ නම් ඔවුන්ගේ ලිපිනය පී.ජි . උදේෂ් මදුමල් තිලකවර්ධන, අංක 16 / 2  සමගිගම, රතලවැව ,මහවෙල, මාතලේ,  මහජන බැංකුවේ මාතලේ ශාඛාවේ ඔහු නමින් ඇති ගිණුම් අංක  00 22 0028 00 35127  දුරකථන අංකය 076 1107585