උඩරට දුම්රිය මාර්ගයේ රාත්‍රී දුම්රියන් අවලංගු කරයි

අයහපත් කාලගුණය හේතුවෙන් උඩරට දුම්රිය මාර්ගයේ රාත්‍රී  දුම්රියන් අද 24 අවලංගු කළ බව දුම්රිය පාලක මැදිරිය පැවසීය.

 ඒ අනුව  බදුල්ල සිට කොළඹ බලා ධාවනය වීමට නියමිත රාත්‍රී තැපැල් දුම්රිය සහ විශේෂ දුම්රියද  කොළඹ සිට බදුල්ල බලා ධාවනය  වීමට නියමිත රාත්‍රී සීඝ්‍රගාමී දුම්රියද මේ වන විට අවලංගු කර තිබේ. 

අයහපත් කාලගුණික තත්ත්වය යටතේ දුම්රිය මාර්ගයට සිදුවිය හැකි ආපදාවන් හේතුවෙන් ඇතිවන අවදානම් තත්ත්වය මෙම තීරණය ගැනීමට හේතුවී තිබේ.

මේ වන විටත් ඉදල්ගස්හින්න, ඕහිය යන දුම්රිය ස්ථානවල සන්නිවේදන සම්බන්ධතා ඇනහිට ඇති බවද නාවලපිටිය දුම්රිය පාලක මැදිරිය පැවසීය.

නිවාඩු සමයේ දුම්රියෙන් ගමන් ගැනීමට බලාපොරොත්තුව විශාල මගීහු සංඛ්‍යාවක් සිටිය හැකි බවද පැවසේ.