ඉෂාරා සෙව්වන්දි සොයා මතුගම රන්නගල ප්‍රදේශයේ සෝදිසි මෙහෙයුමක්

මෙරට සියලුම ආරක්ෂක අංශ එක්ව අත්අඩංගුවට ගැනීමට සොයන සංවිධානාත්මක අපරාධ කල්ලි නායක ගනේමුල්ලේ සංජීව ඝාතන සිද්ධියේ  මහ මොළකරු ලෙස සැළකෙන ඉෂාරා සෙව්වන්දි නමැති කාන්තාව තෙබුවන රන්නගල වතුයායේ මත්ද්‍රව්‍ය ජාවාරම්කරුවෙකුට අයත් නිවසක සැඟවී සිටින බවට ලද තොරතුරක් අනුව ඊයේ (24) රාත්‍රී එම නිවස ක්ෂණිකව වැටලීමත් සමඟම එහි සිටි කාන්තාවක්  නිවසින් පලා ගොස් කැලෑ වැදුණු බව තෙබුවන පොලිසිය කියයි

ඒ සමගම සිදු කළ මෙහෙයුමේදී එකී කාන්තාව කුඩා දරුවකු සමග කැලෑව තුළ සැඟවී සිටියදී අත්අඩංගුවට ගත් බවත් සිදුකළ විමර්ශනවලදී එකී කාන්තාව ඉෂාරා සෙව්වන්දි නොවන බවත් එනමුත් ඇයගේ රූපයට බොහෝ සෙයින් සමානකම් ඇති තැනැත්තියක් බව බැලූ බැල්මට පෙනෙන බව පොලිසිය වැඩිදුරටත් සඳහන් කරයි.

එම සැකකාරිය සමග නිවසේ සිටි මත්ද්‍රව්‍ය ජාවාරම්කරුවගේ නැන්දනීය සහ බිරිඳ ද අත්අඩංගුවට ගත් බව පොලිසිය කියයි. එම නිවස තුළ තිබී සිම් කාඩ් පත් 7 කට ආසන්න ප්‍රමාණයක් සහ ජංගම දුරකථන 4 ක් ද පොලිස් භාරයට ගෙන ඇත

එම සිද්ධියත් සමගම ඊයේ (24) රාත්‍රී සිට  එම නිවසට යුද හමුදාව, විශේෂ කාර්ය බලකාය, තෙබුවන, අගලවත්ත හා දොඩංගොඩ පොලිසි වල නිලධාරින් එක්ව දැඩි ආරක්ෂාව යොදා අද (25) මතුගම ජේෂ්ඨ පොලිස් අධිකාරීතුමා ඇතුළු නිලධාරී එම ස්ථානයට ගොස්  නිවස අවට ප්‍රදේශය යුද්ධ හමුදාව පොලිසිය සමග එක්ව පූර්ණ සෝදිසි මෙහෙයුමක් ක්‍රියාත්මක කළද ජංගම දුරකථන සහ සිම් කාඩ්  පත්හැරෙන්නට සැකකටයුතු කිසිවක් හමු නොවූ බව පොලිසිය කියයි.

එම විශේෂ මෙහෙයුම සඳහා මත්ද්‍රව්‍ය  සම්බන්ධයෙන් විශේෂ පුහුණුවලත් හොරණ " රොමි" නැමැති පොලිස් නිල සුනඛයාද යොදා ගැනුණි.

අඩක් වැඩ නිම කරන ලද එම කාමර දෙකකින් යුත් එම නිවසේ හිමිකරු කෝටි හතරකට අධික වටිනා හොරයින් මත් කුඩු තොගයක් සමග පොලිස් අත්අඩංගුවට පත්ව බන්ධනාගාර ගතවසිටින පුද්ගලයෙකු බවත්  නිවස කුඩා වුවද සුඛෝභෝගී නිවසක සවි කරන  සීසී ටීවී කැමරා සවිකර පරිගණක පවා ඇතැයි පොලිසිය සඳහන් කරයි.

මෙම නිවස ක්‍රේන්ද කර ගනිමින් ඒ තුළ කිසියම් ජාවාරමක් ක්‍රියාත්මක වන බවට දැඩි සැකයක් පවතින බවත් එමගින් තහවුරු වන බව පොලිස් නිලධාරියකු පැවසීය.

ඉෂාරා සෙව්වන්ගේ නමැත්තියගේ රූප ශෝභාවට සමානකම් ඇතිි සැක කටයුතු 22 හැවිරිදි  කාන්තාව  ඇඹිලිපිටිය ප්‍රදේශයේ සිට සති දෙකකට පමණ ඉහත දී තෙබුවන පොලිස් වසමට අයත් මතුගම රන්නගල ප්‍රදේශයේ හිතවතියගේ නිවසට පැමිණ ඇති අතර ප්‍රදේශවාසීන්ට මේ කාන්තාවට පිළිබඳව සැකසිති ලබා දුන් තොරතුරු අනුව එම වැටලීම සිදුකර එකී කාන්තාව අත්අඩංගුවට ගෙන ඇත.

එකී කාන්තාව සහ නිවසේ පදිංචි කාන්තාවන් දෙදෙනා ලබාදෙන තොරතුරු පරස්පර බවද පොලිසිය වැඩිදුරටත් සඳහන් කරයි. මොවුන් තිදෙනාගෙන් වැඩිදුරටත් ප්‍රශ්න කිරීමට නියමිතය.