ඉන්සියුලින් ඇතුළු ඖෂධ 90ක හිඟයක්

ඉන්සියුලින් එන්නත ඇතුළු ඖෂධ වර්ග  අනූවක පමණ හිඟයක් පවතින නිසා රෝගී ජනතාව දුෂ්කරතාවන්ට පත්ව සිටින බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානය සඳහන් කරයි.

දියවැඩියා රෝගීන්ට ලබා දෙන  ඉන්සියුලින් එන්නත  දිවයින පුරා රෝහල් රැසක සායන සඳහා පැමිණෙන රෝගීන්ට අවශ්‍ය පරිදි නොලැබෙන බවද එම සන්ධානයේ සභාපති විශේෂඥ වෛද්‍ය චමල් සංජීව මහතා සඳහන් කළේය.

මීට අමතරව හදිසි වෛද්‍ය ප්‍රතිකාර ඒකකවල භාවිත කරන Lasix, Noadreanalin, ඇතුළු ඖෂධ කාණ්ඩ රැසක තොග මේ වන විට ශුන්‍ය මට්ටමට ළඟා වී ඇති බව වෛද්‍ය සැපයුම් දත්ත පද්ධතිය අනුව අණාවරණය වන බව  හෙතෙම පවසා සිටියේය.

රෝහල් ආරංචි මාර්ග සඳහන් කරන අන්දමට ත ජීවිත ආරක්ෂක ඖෂධ වලට අමතරව ප්‍රබල කාණ්ඩයේ ප්‍රති ජීවක ඖෂධ රැසක් ද මෙවන විට ශුන්‍ය තොග out of stock  මට්ටමට ළඟා වී ඇති බවද සඳහන් කරයි. 

මෙසේ තොග ශූන්‍ය මට්ටමට ළඟා වී ඇති ඖෂධ අතර IV GTN, IV METACHLORPROMIDE, CEFTRIAXONE, CEFTAZIDINE, CEFOTAXIME, AMIKACIN, ATOVASTATIN, PRASOZIN, DIPYRIDAMOLE, SYNDOPA, METHOTRAXATE, VIT B, C, SALBUTAMOL SOLUTION, BISOPROLOL, SYRUP LACTOSE ප්‍රධාන වෙයි.

මේ නිසා ස්‍යෙඛ්‍ය අමාත්‍යවරයා ඇතුළු බලධාරින් මේ පිළිබඳව කඩිනමින් සොයා බලා අවශ්‍ය ක්‍රියා මර්ග ගත යුතු බවද ඔහු සඳහන් කළේය.

ඉන්සියුලින් එන්නත ඇතුළු ඹෟෂධ වර්ග හිඟ වීමෙන් සිදුවන්නේ ඒවා ජනතාවට මුදල් වියදම් කර ලබා ගැනීමට සිදුවීම බවද හෙතෙම පැවසීය.