ඇමරිකාවේ යුද හමුදාවේ හිටපු ජ්‍යෙෂ්ඨ නිලධාරිනියක් ලංකාවේ පාරිම්පරික වෙදකම ගැන මවිත වෙයි

වසර පහකට අධික කාලයක් ඇමෙරිකාවේ සහ විවිධ රටවල විශේෂඥ වෛද්‍යවරුන්ගෙන් ප්‍රතිකාර ගත්තද තම කොදු ඇට පෙළේ සහ කොන්දේ ආබාධය  සුව නොවීම නිසාවෙන් ඇමරිකාවේ යුද හමුදාවේ හිටපු ජ්‍යෙෂ්ඨ නිලධාරිනියක්  ශ්‍රී ලංකාවේ  පාපාරම්පරිකයන් හොරිවිල  වෙද මැදුරට පැමිණ ප්‍රතිකාර ලබා සුව වන අයුරු අත්විද පුදුමයට පත්ව සිටින බව පැවසුවාය .

  මෙරට දේශීය පාරම්පරික වෙදකම පිළිබඳව තමන් මවිතයට පත්ව සිටින බව ඇය සඳහන් කළාය.

 ඇමෙරිකාවේ යුද හමුදාවේ හිටපු ඉහල නිලධාරිනියක වන ESCERMZA  මහත්මිය හලාවත  ප්‍රදේශයේ පදිංචි   කාන්තාවක් සමඟින් සමීපව ඇසුරුකම් පැවැත්වීමත් සමඟින් හොරිවිල සාන්ත සෙනවිරත්නා  මහතා පිළිබඳ youtube නාලිකාවක තිබුණු වැඩසටහනක් සහ මෙරට විද්‍යුත් හා මුද්‍රිත මාධ්‍ය මගින් ඒ මහතා පිළිබඳව සිදුකරන ලද වැඩසටහන් කිහිපයක් මෙම නිලධාරිනියට පෙන්වා හබරණ පලුගස් වැව  හොරිවිල වෙද මැදුරට ඇමෙරිකාවේ සිට පැමිණ  ප්‍රතිකාර ලබා ගනිමින් සිටියි .

 පසුව දින දහයක පමණ කාලයක් ඇය ප්‍රතිකාර ලබා නැවත සිය  රට ඇමරිකාවට ගොස් සිටිද්දී තමන්ට සිතාගැනීමටවත් නොහැකි ආකාරයෙන් කොදු ඇට පෙළේ සහ අස්ථි වල පැවති පස් වසරක දුක් වින්දා රෝගය සමනය වන බව දුටු ඇය නැවත වරක් ඇමෙරිකාවේ සිට මෙරටට පැමිණ  හොරිවිල  ශාන්ත සෙනවිරත්න මහතාගෙන් ප්‍රතිකාර ලබා ගැනීම ආරම්භ කොට තිබේ.

  ඇමරිකාවේ සිට පැමිණ ඇති මෙම හිටපු යුද හමුදා ඉහළ නිලධාරිනිය කියා සිටියේ තමන්   වීවිධ රටවලින් විවිධ වෛද්‍යවරුන්ගෙන් තම රෝගය පිළිබඳව ප්‍රතිකාර ලබා ගැනීම සිදුකළද  ශ්‍රී ලංකාවේ  පාරම්පරික  වෙදකම  පිළිබඳව තමන් මවිතයට පත්ව සිටින බව සඳහන් කාලය . තමන් පැමිණෙන විට ඇවිද ගැනීමට නොහැකිව හැරමිටියක  ආධාරයෙන් සහ තවත් කිහිප දෙනෙකුගේ උදව්වෙන් ඇවිදගෙන පැමිණි බවත් දැනට තමන්ට තනිවම ගමන් කිරීමට හැකි බවද ඇය සඳහන් කළාය.

හොරිවිල වෙදැදුරු ශාන්ත සෙනවිරත්න මහතා කියා සිටියේ මෙම කාන්තාවට තව ටික දිනක් ගතවෙද්දී සම්පුර්ණයෙන් සුව වී ඇමරිකාවට යාමට හැකිවනු ඇති බවය .