ආනයනික භාණ්ඩ කිහිපයක මිල පහළට

ආනයනික සුදු සීනි ,පරිප්පු, තිරිඟු පිටි තොග  මිල අඩු කර ඇතැයි අත්‍යවශ්‍ය ආහාර ද්‍රව්‍ය ආනයනකරුවෝ පවසති . ඒ අනුව  සුදු සීනි කිලෝවක තොග මිල රුපියල් 300 සිට 265 දක්වා ද , තිරිඟු පිටි කිලෝවක් රුපියල් 190 සිට 175 දක්වා සහ පරිප්පු  කිලෝවක් රුපියල් 350 සිට 285 දක්වාද  අඩුකර ඇතැයි ඔවුහු පවසති  .

මේ වන විට අවශ්‍ය තරම් සුදු සීනි, තිරිඟු පිටි සහ පරිප්පු තොග තමන් සතුව පවතින බවත්, එළඹෙන උත්සව සමයේදී පාරිභෝගික ජනතාවට කිසිදු බාධකයකින් තොරව එම අත්‍යවශ්‍ය ආහාර ද්‍රව්‍ය මිලදී ගැනීමට හැකි බවත්  ආනයනකරුවෝ  කියා සිටිති  .

මේ අතර   සුදු සීනි , පරිප්පු සහ තිරිඟු පිටි තොග මිල අඩුවී තිබුණද ඇතැම් සුපිරි වෙළෙඳසැල්වල සහ සිල්ලර වෙළඳසැල්වල එම භාණ්ඩවල මිල අඩුවී නැතැයිද වාර්තාවේ  .