අවුරුදු 04ක දරුවකු අතුරුදන්

නොවුඩ් පොලිස් වශමට අයත් ඩන්කන් ප්‍රදේශයේදි අවුරුදු 04ක පිරිමි දරුවකු ඊයේ (17) දින රාත්‍රියේදි අතුරුදහන්ව ඇති බවට එම දරුවාගේ දෙමාපියන් විසින් නොවුඩ් පොලිසිය වෙත පැමිනිලි කර ඇත.

මෙම තත්වයන් පිලිබදව කරන ලද කරන ලද විමසිමකදි අදහස් දැක්වු නොවුඩ් පොලිසියේ නිලධාරියකු පවසන ලද්දේ නල්ලතන්නිය ලක්ෂපාන   ප්‍රදේශයේ පදිංචිකරුවකු වන සිවදාසන් අභිලාස් නැමති පිරිමි දරුවා එම දරුවාගේ දෙමාපියන් සමග නොර්වුඩ් ඩන්කන් ප්‍රදේශයේ ඥති නිවසක පැවති විවාහ උත්සවයකට පැමින ඇති බවත්ය.

එසේ පැමිනි මෙම දරුවා ඊයේ (17) දින සවස සිට නිවස අසල සෙල්ලම් කරමින් සිට ඇති බවත් පසුව සොයා බලන විට මෙම දරුවා සොයා ගැනිමට නොහැකිවි ඇති බවත්ය.

පසුව එම දරුවාගේ අතුරුදහන් විම පිලිබදව එම දරුවාගේ පියා වන සිවදාසන් වසන්තන් යන අය 119 හදිසි ඇමතුම් අංශයටද දැනුම්දි නොවුඩ් පොලිසියටද පැමින පැමිනිලි කර ඇති බවද එම නිලධාරියා පැවසිය.

එම පැමිනිල්ල ලැබිමත් සමග එම සිද්දිය  පිලිබදව නොවුඩ් පොලිසිය පුලුල් පරික්ෂන ආරම්භ කර ඇති බවත්  අද (18) දින උදැසන වන විටත්එම දරුවා සොයා ගැනිමට නොහැකිවි ඇති බවද එම නිලධාරියා වැඩි දුරටත් පවසන ලදි.  

චන්ද්‍ර සෙල්ලහේවා හැටන්