අරලියගහ මන්දිරය ආසන්නයේ ආරක්ෂක කුටි ඉවත් කරයි

අරලියගහ මන්දිරය ට යාබදව  ඉදිකර තිබූ ආරක්ෂක කුටි ඉවත් කිරීම පෙරේදා (11) සිදු කරන ලදී. ඔබ ආරක්ෂක කුටි ඉවත් කිරීම කොළඹ මහණකර සභාව මගින් සිදු කරන ලදී.

ආරක්ෂක හේතුන් මත යැයි පවසා 2005 වසරේ සිට වසර 19 ක කාලයක් වසා දමා තිබූ    අරලියගහ මන්දිරයට යාබද කොල්ලුපිටිය මුස්ලිම් පල්ලියේ සිට රොටුන්ඩා වටරවුම දක්වා දිවෙන මාර්ගය මීට දින කීපයකට ඉහතදී යළි මහජනතාව සඳහා විවෘත කරන ලදී.

දීර්ඝ කාලයක් තිස්සේ ප්‍රවේශ වීමට නොහැකිව තිබූ මෙම මාර්ගය වත්මන් ආරක්ෂක තත්ත්වය සමාලෝචනය කිරීමෙන් අනතුරුව යළි විවෘත කරන ලෙස නව රජය උපදෙස් ලබා දී ඇත.

මෙම තීරණය නිසා අවට ප්‍රදේශවල රථවාහන ගමනාගමනය ලිහිල් කිරීමට සහ මහජනතාවට වැඩි පහසුවක් සැලසෙන බව සඳහන්ය.