අයිස් මත්ද්‍රව්‍ය සමග අත්අඩංගුවට ගත් සැකකරු පළා යයි

අයිස් මත්ද්‍රව්‍ය තොගයක් සමග අත්අඩංගුවට ගත් සැකකරුවෙකු ග්‍රෑන්ඩ්පාස්  පොලිසියේ නිලධාරීන් භාරයේ මාලිගාකන්ද  අධිකරණ භූමියට රැගෙන ආ අවස්ථාවේදී නිලධාරීන්ගේ මිදී පලා ගොස් ඇතැයි උසස් පොලිස් නිලධාරියෙක් පැවසීය

මෙලෙස පලා ගොස් ඇත්තේ අවිස්සාවේල්ල ඔරුගොඩවත්ත ප්‍රදේශයේ පදිංචි 47 හැවිරිදි සැකකරුවෙකි

ඉකුත්  16 වෙනිදින  පොලිස් විශේෂ කාර්ය බළකායේ  සහකාර පොලිස් අධිකාරි සාගර කුලසේකර මහතාගේ කණ්ඩායමේ පොලිස් පරීක්ෂක එස් කේ කග්ගොඩ ආරච්චි මහතා ඇතුළු නිලධාරී කණ්ඩායමක් ගෑන්ඩ්පාස්  චොක්කලාවත්ත කෝවිලක් අසලදී අයිස් මත්ද්‍රව්‍ය  ගෑම් 25 මිලිගෑම් 690 ක් සමග සැකකරු අත්අඩංගුවට ගෙන තිබිණි

එම සැකකරු හා අනෙකුත් සැකකරුවන් දිවා ජංගම සංචාරයේ යෙදී සිටි පොලිස්  සැරයන් වරයෙකු සහ කොස්තාපල්වරයකු විසින් මාලිගාකන්ද අධිකරණය වෙත රැගෙන අවස්ථාවේදී නිලධාරීන්ගෙන් මිදී පලා ගොස් තිබූ බව උසස් පොලිස් නිලධාරියෙක් පැවසීය

ගෑන්ඩ්පාස්  පොලිසිය පරීක්ෂණ පවත්වයි