වෙඩි තැබීමකින් බ්‍රිතාන්‍ය ජාතිකයෙක්ට තුවාල

ඉඳුරුව, ගලබඩ ප්‍රදේශයේදී යතුරුපැදිකරුවන් දෙදෙනෙකු  විසින් සිදුකරනු ලැබූ වෙඩි තැබීමකින් හැට අට හැවිරිදි එංගලන්ත ජාතිකයෙකු බරපතල තුවාල ලබා ඇතැයි කොස්ගොඩ පොලීසිය පවසයි.

මෙසේ ජීවිතක්‍ෂයට පත්ව ඇත්තේ මොහොමඩ්  ස්මයිල් වුඩ්ලියානා නැමති  හැට අට හැවිරිදි එංගලන්ත  ජාතිකයෙකු බව පොලිස් පරීක්ෂණවලදී අණාවරණය වී තිබේ.

මෙම විදේශිකයා මෙරට  සංචාරක හෝටලයක් පවත්වාගෙන යන අයෙකු වන අතර, ඔහු සිය මිතුරෙකු සමග ඊයේ (04 දා) රාත්‍රී 9.05ට පමණ ජීප් රථයකින් ඉඳුරුව ගලබඩ ප්‍රදේශයේ හෝටලයක් වෙත පැමිණ ඇත.

මෙම දෙදෙනා පැමිණ ජීප් රථය නතර කරනවාත් සමග  යතුරුපැදියකින් පැමිණි දෙදෙනා විදේශිකයාට වෙඩි ප්‍රහාරයක් එල්ල කර පලාගොස් තිබේ.

මෙම වෙඩි තැබීම කුමන හේතුවක් මත සිදුකර ඇතිදැයි කරුණු අනාවරණය වී නොමැති අතර, සිද්ධිය සම්බන්ධයෙන් කොස්ගොඩ පොලීසිය වැඩිදුර පරීක්ෂණ පවත්වති.

ගාල්ල - ජිනේෂ් නානායක්කාර