ලාබය ගන්න බෑරි නිසා දැන් කෑගහනවා

පසුගිය පාලන සමයේදී රටේ පැවති ගල්අඟුරු මාෆියාව බිඳදැමුවේ තමා විසින් බවත් එසේ උවද ඒබව තැන තැන කියවමින් නොගිය බවද මහා නගර සහ බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.  එහිදී වැඩිදුරටත් අදහස් දැක්වූ අමාත්‍යවරයා මෙසේද කීය

“කවුද තෙල් මිල අඩුකළේ ? තෙල් වලින් ගහන සහගහන බදු අයින් කළේ මමයි. එදා ඒ බලශක්ති ඇමති විදිහට තෙල් මිල අඩුකරලා රාජපක්ෂගේ බදු බරෙන් මේ රටේ ජනතාව නිදහස් කළේ මම.  මේ මෑතදී විශාල හා හූවක් ඇති කළා මේ ගල්අඟුරු ප්‍රශ්ණයක් තියෙනවා කියලා. මේ රටේ 2009 තමයි පළවෙනි ගල්අඟුරු ටෙන්ඩරය දුන්නේ. ඒදා ඒ ටෙන්ඩරය දුන්නේ වැරදි විදිහට. අන්න ඒවානම් වංචා වෙලා තියෙනවා. අපි මොකද කළේ ? ඒ තනි සමාගමකට යන ඒ ක්‍රියාවලිය බිඳදැම්මා. ප්‍රකෝටිගානක් අද ඛණිජ තෙල් සංස්ථාවට ලාබයි.

අපිට අද ගහන්නේ වෙන මොකක්වත් නෙමෙයි. දැන් මේ ලාබය ගන්න බෑ කාටවත්. මාෆියාව බින්දේ අපි . ගල් ලෙන බිඳලා අපි නිකන් කට වාචාලකමට කියෝ කියෝ ඉන්නේ නැහැ”. ජාතික හෙළ උරුමය විසින් රත්නපුරයේ සංවිධාන කර තිබූ ජනහමුවකට එක්වෙමින් අමාත්‍යවරයා මේබව කීය.