ලක්ෂ 25ක හෙරොයින් සමග පාකිස්තානුවෙක් අත්අඩංගුවට

රුපියල්  ලක්ෂ  විසිපහක් වටිනා හෙරොයින් රැගෙන  පාකිස්තානයේ සිට මෙරටට පැමිණි පාකිස්තාන ජාතිකයෙකු ඊයේ (‍02දා) කටුනායක ජාත්‍යන්තර ගුවන්තොටුපළේදී අත්අඩංගුවට ගෙන තිබේ.

සැකකරු  තිස් හතර වියේ  පසුවන  පාකිස්තානයේ කරච්චි නුවර පදිංචි පුද්ගලයෙකි.

අත්අඩංගුවට ගත් හෙරොයින්වල බර ග්‍රෑම් 300කි.

ඔහු ගෙන ආ  ගමන් මලු දෙකක හෙරොයින් ග්‍රෑම් 100 බැගින්ද, ඔහු පැලඳි සපත්තුවේ යටි පතුලේ  තවත් හොරොයින් ග්‍රෑම් 100 ක්ද  සඟවා තිබූ  බව රේගුව පවසයි.

මොහු  නිරන්තරයෙන් ශ්‍රී ලංකාවට සංචාරය කරන අයෙකු බව කරන ලද පරීක්ෂණවලින් අනාවරණය වී ඇත.