'බල පෙරළියට කොළ එළිය' අද එළිදකියි

එක්සත් ජාතික පක්ෂය විසින් දකුණ, බස්නාහිර පළාත් සභා මැතිවරණයට අදාළ ප්‍රතිපත්ති ප්‍රකාශය එළිදැක්වීම අද (12දා) එක්සත් ජාතික පක්ෂ ජාතික නායක රනිල් වික්‍රමසිංහ මහතා විසින් සිරිකොත මූලස්ථානයේදී සිදුකිරීමට නියමිතය.

ප්‍රතිපත්ති ප්‍රකාශය ජනතාව අතරට ගෙනයාම සඳහා එය අද දිනයේදී බස්නාහිර, දකුණ පළාත් සභා මැතිවරණයට ඉදිරිපත් වී සිටින අපේක්ෂකයන්ට ලබාදීමට නියමිතව ඇත.

'බල පෙරළියට කොළ එළිය' නමින් නම් වී ඇති මැතිවරණ ප්‍රතිපත්ති ප්‍රකාශය තුළ පළාත් සභා ජයග්‍රහණය කිරීමෙන් පසු ජනතාවට සිදුකරන සේවාවන් ගැන සඳහන් කර තිබේ.