Pay pal පහසුකම ලබාගත හැකි කාලය ගැන ඉඟි

Pay pal පහසුකම ශ්‍රී ලංකාවට ලබාගත හැකි කාලය සම්බන්ධයෙන් සම කැබිනට් ප්‍රකාශක අමාත්‍ය උදය ගමන්පිල මහතා අද පැවැති කැබිනට් තීරණය දැනුම් දීමේ සාකච්ඡාවේදී ඉඟි පළ කළේය.

ඔහු සඳහන් කළේ දැනට එම පහසුකම ශ්‍රී ලංකාවට ලබා ගැනීමට උත්සාහ නොකරන්නේ හේතු දෙකක් නිසා බවයි.

ඉන් එක් කරුණක් ත්‍රස්තවාදය සඳහා මුදල් එක්කිරීමට මේ හරහා අවස්ථාව ලැබිමත් දෙවැනි මුදල් විශුද්ධීකරණය මේ හරහා සිදුවීමට ඉඩ ඇති නිසා බවත්.

ශ්‍රී ලංකාවෙන් ත්‍රස්තවාදය මුළුමනින්ම තුරන් කර ඇති බවට ආරක්ෂක ලේකම්වරයා සහතික කර ඇති බවත් කුඩු ජාවාරම් නතර කිරීම හරහා මුදල් විශුද්ධීකරණය කිරීම සිදුවන බවත් මත්ද්‍රව්‍ය ජාවාරමද තුරන් කරන බවට ආරක්ෂක ලේකම්වරයා පවසා ඇති බවත් ඔහු පැවැසීය.

මත්ද්‍රව්‍ය ජාවාරම තුරන් කිරීමෙන් අනතුරුව ශ්‍රී ලංකාවට Pay pal පහසුකම ලබාගැනීමට අවස්ථාව ඇති බවත් ඔහු පැවැසීය.

මෙම පහසුකම ලංකාවට ලබාගැනීම වෙනුවෙන් තමන්ද අවධානය යොමුකර ඇති බවත් ඒ පිළිබඳව උනන්දුවක් දක්වන බවත් ඔහු පැවැසීය.