LTTE ප්‍රවර්ධනය වන අයුරින් කටයුතු කල දෙදෙනෙකු අත්අඩංගුවට

එල්.ටී.ටී.ඊ සංවිධානය ප්‍රවර්ධනය වන ආකාරට යු-ටියුබ් නාලිකාවක් සහ වෙබ් අඩවිය පවත්වා ගෙනයාම සම්බන්ධයෙන් කාන්තාවක් සහ පිරිමි පුද්ගලයෙක් අත්අඩංගුවට ගෙන තිබෙනවා.

යාපනය, නාවලර් වීදිය ප්‍රදේශයේ දී මෙම පුද්ගලයින් අත්අඩංගුවට ගත් බවයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ ප්‍රකාශ කර සිටියේ.

වැටලීම සිදුකළ ස්ථානයේ තිබී ඩෙස්ක්ටොප් පරිගණක 05ක් සහ ලැප්ටොප් පරිගණක යන්ත්‍ර 05ක් තිබී ත්‍රස්ත විමර්ශන අංශයේ භාරයට ගෙන ඇති බවයි පොලිස් මාධ්‍ය ප්‍රකාශකවරයා සඳහන් කර සිටියේ.

මේ වන විට අත්අඩංගුවට ගනු ලැබූ කාන්තාව සහ පිරිමි පුද්ගලයා පොලිස් ත්‍රස්ත විමර්ශන අංශය විසින් කොළඹ බලා රැගෙන එමින් සිටින බවයි පොලිස් මාධ්‍ය ප්‍රකාශකවරයා වැඩිදුරටත් සඳහන් කර සිටියේ.